Amitie Kitchen

Open Now

Now Closed

琴晚終於有機會試到一直都好想試嘅呢間意大利餐廳，的確唔錯，落單後就會送麵包，有三款，仲係熱辣辣的。龍蝦味香滑薯蓉 $68呢個薯蓉口感綿密，面頭有啲龍蝦肉碎，而薯蓉就撈左龍蝦汁，熱騰騰，幾好食。火炙加拿大海膽芝士焗松葉蟹蟹膏大啡菇 $88呢個咁海鮮嘅配搭我地比較少食，加拿大海膽又輕輕燒過，味道都新鮮嘅，而蟹膏份量都多，仲有少少甜椒增加口感，食落口海鮮味濃。美國牛腹膜柳 $248呢一個主菜冇令我哋失望，牛腹膜柳我哋叫咗七成熟，佢嘅肉汁的確可以鎖係肉入面，一切嘅時候啲汁就湧出嚟，牛味係好香濃，亦都有唔少配菜喺隔離。鹹蛋黃醬煙肉蘑菇意大利麵 $138佢有少少似卡邦尼，但食落又有少少唔同，多咗一浸鹹蛋黃嘅鹹香，成個意粉都creamy多汁，非常頂肚。