歡樂海鮮酒家

對於家住柴灣的我, 入流浮山跟本是同去旅行一樣,冇咩分別, 山長水又遠....(誇張點地說)。因工作關係,今日要入去走一轉, 到中午開食飯時間, 一班人梗係去食海鮮啦 ! 今次一行乘十人, 可以食多啲唔同款式嘅海鮮, 有龍蝦,鮑魚, 生蠔,奄仔蟹, 聖子, 東星斑。 基本上食海鮮最簡單兩個字~ 新鮮 。就已經好好味!好彩呢餐今次公司請, 埋單應該唔平

啖啖肉, 夠肥美!

鮑魚肉質本身已經彈牙,經冰鎮處理 ,口感更加煙韌,再 配上帶點微辣嘅豉油作調味, 就更加滋味。

重皮爆膏，齒頰留香，嗰種咸香味，真係好正！ 不過隻蟹就細隻咗啲..

生蠔 size 適中，爆得夠香。

清清淡淡, 又帶點鮮味, 蟶子配上爽口芽菜, 吃落有層次。

蒸得過老....可惜。