喰楽

Open Now

Now Closed

第二次嚟呢間餐廳食，第一次係同屋企人嚟食午餐選了關西壽喜燒已經覺得好正，於是今次同朋友慶祝生日再嚟食晚餐，晚餐會有職員全程為你燒，雖然只有一個關西壽喜燒套餐，包括前菜、蒸蛋、至於牛肉就有三種部位，有肉眼、西冷，最後一塊可以按自己喜好再選擇。肉眼係一入口即溶，啲雪花好均勻，至於西冷就好有牛味，各有特色。食完四塊牛之後會有牛蒡漬物加一碗湯解油膩，真係好細心。甜品嘅豆腐雪糕同布甸都好味，食完成個套餐已經好滿足。食到好飽都只係$500一位再連加一，真係性價比好高，因為啲牛都係高質素。