Video
Read full review
2010-11-08
673 views
上星期五, 師傅約左好友食家"乜都放入窿"齊齊宵夜, 本來諗住去重慶回味香食下辣野; 點知好友食家"乜都放入窿"忽然間行唔開, 於是宵夜取消; 但係師傅都需要重野架, 凌晨十二點幾身處老尖, 一兜友都唔知食咩好, 行行下見到呢間食店, 每次師傅飲完野時都有衝動想黎, 揀日不如撞日, 就行左入去坐底!坐底後就想睇下有咩好食啦, 可惜咁大張枱都搵唔到個餐牌, 於是個阿姐問師傅食咩粥, 師傅又問下又咩粥揀, 阿姐就話豬骨粥最出名, 既然係咁師傅點都要試一試, 阿姐又再問加唔加皮蛋? 師傅覺得加皮蛋都好, 就要左碗皮蛋豬骨粥, 再加多碟腸粉!師傅真係好期待碗豬骨粥, 等左一陣豬骨粥就放左喺師傅面前, 於是即刻開餐啦, 皮蛋豬骨粥唔算好熱, 而粥底喺師傅嘅角度係談不上綿, 相反地覺得粥底甚稀, 唯一可取係米身煲得好化, 好夠火喉加上冇味精, 同七喜或棠記相本冇得比; 至於豬骨一舊仔, 話明係豬骨當然係冇咩肉啦, 骨裡滲透出豬骨味, 而肉身亦鬆軟, 豬骨都算唔錯; 但最令師傅失望莫過於皮蛋, 皆因皮蛋入口後留有濃濃異味, 嗰種味覺係好唔討好, 皮蛋算不上靚, 亦間接令到師傅唔知食好定唔食好
坐底後就想睇下有咩好食啦, 可惜咁大張枱都搵唔到個餐牌, 於是個阿姐問師傅食咩粥, 師傅又問下又咩粥揀, 阿姐就話豬骨粥最出名, 既然係咁師傅點都要試一試, 阿姐又再問加唔加皮蛋? 師傅覺得加皮蛋都好, 就要左碗皮蛋豬骨粥, 再加多碟腸粉!
師傅真係好期待碗豬骨粥, 等左一陣豬骨粥就放左喺師傅面前, 於是即刻開餐啦, 皮蛋豬骨粥唔算好熱, 而粥底喺師傅嘅角度係談不上綿, 相反地覺得粥底甚稀, 唯一可取係米身煲得好化, 好夠火喉加上冇味精, 同七喜或棠記相本冇得比; 至於豬骨一舊仔, 話明係豬骨當然係冇咩肉啦, 骨裡滲透出豬骨味, 而肉身亦鬆軟, 豬骨都算唔錯; 但最令師傅失望莫過於皮蛋, 皆因皮蛋入口後留有濃濃異味, 嗰種味覺係好唔討好, 皮蛋算不上靚, 亦間接令到師傅唔知食好定唔食好, 皮蛋變雞肋, 高手! 最後係腸粉, 腸粉都幾細碟, 出黎時已加入麻醬, 豉油同埋芝麻, 而師傅又再加入甜醬同辣醬, 入口後發覺腸粉唔算好滑, 加上冇豬油所以唔香口, 可幸麻醬能發揮功效, 係可以接受但師傅唔欣賞囉, 同元朗佳記的差了很遠!
總括黎講食物水準一般, 而環境係坐街邊巷仔, 服務友善, 價錢就唔算平, 皮蛋豬骨粥要廿七蚊碗, 腸粉就十蚊, 埋單要三十七蚊, 咁嘅水準未算抵食! 對於師傅而言皮蛋豬骨粥嘅水準真的令人十分失望, 未知是否期望太大, 所以失望亦太大! 師傅覺得呢間食店名大於實, 笑臉一定比唔到, 唔喊都偷笑啦, 肯定冇下次!
後記: 回家上網再睇下呢間食店, 發現有四個笑臉, 師傅當堂打左個突, 睇見最近嗰篇係由食家"唔食都唔知好食'寫的, 距離師傅光顧前後只不過大約兩星期, 但師傅與他的感覺真的有著天壤之別; 師傅希望是次純屬個別事件, 對於有呢個不幸的宵夜, 師傅亦深表同情, 講到底是食店走樣還是師傅唔識食呢? 還望大家賜教!
Post
