Video
Read full review
2021-07-25
3337 views
青魚夾無花果片 - 呢種魚本身偏腥，唔係人人食得慣前菜（順時針）：粟米、水芸、蕃薯、醃魷魚及蟹肉豆腐。其他味道普通，其中蟹肉豆腐做得較出色，口感滑得黎又充滿蟹嘅鮮味之後就到主角天婦羅出場（共13件）可自己加調味，有粗鹽、咖哩鹽、檸檬汁同白蘿蔔蓉，其中咖哩鹽幾特別，好香口，用黎沾炸蝦頭同炸魚骨最適合！ *。 *。 *。 *。 天婦羅有幾款值得一提：Ayu - 其中招牌菜係呢條會企係度嘅魚，魚肚部分師傅存心留返啲內臟係度，令味道苦中帶甘蜆 - 好鮮甜，裡面夾雜左少少薯蓉同日本冬菇粒，好惹味👍🏻紫蘇葉夾海膽 - 呢款係當中最回味嘅一款，海膽份量十足，而且好鮮甜，其他店通常會將海膽沾炸漿一齊炸，變相掩蓋左海膽嘅鮮味；反而咁樣處理更恰到好處！炸櫻花蝦配白蘿蔔蓉 - 呢款賣相最靚，但味道反而不太特別呢個炸左一個鐘嘅蕃薯，十分推介，炸左咁耐外皮居然無燶😳，仲可以食埋。沾白蘭地同糖去食，簡直將成個蕃薯嘅味道提升到另一個層次🤤，無諗過蕃薯都可以整到咁好食！天丼 - 即係雜不甩嘅嘢炸埋一堆配飯食，呢個都好好食
前菜（順時針）：粟米、水芸、蕃薯、醃魷魚及蟹肉豆腐。其他味道普通，其中蟹肉豆腐做得較出色，口感滑得黎又充滿蟹嘅鮮味
之後就到主角天婦羅出場（共13件）
可自己加調味，有粗鹽、咖哩鹽、檸檬汁同白蘿蔔蓉，其中咖哩鹽幾特別，好香口，用黎沾炸蝦頭同炸魚骨最適合！
*。 *。 *。 *。
天婦羅有幾款值得一提：
Ayu - 其中招牌菜係呢條會企係度嘅魚，魚肚部分師傅存心留返啲內臟係度，令味道苦中帶甘
蜆 - 好鮮甜，裡面夾雜左少少薯蓉同日本冬菇粒，好惹味👍🏻
紫蘇葉夾海膽 - 呢款係當中最回味嘅一款，海膽份量十足，而且好鮮甜，其他店通常會將海膽沾炸漿一齊炸，變相掩蓋左海膽嘅鮮味；反而咁樣處理更恰到好處！
炸櫻花蝦配白蘿蔔蓉 - 呢款賣相最靚，但味道反而不太特別
呢個炸左一個鐘嘅蕃薯，十分推介，炸左咁耐外皮居然無燶😳，仲可以食埋。沾白蘭地同糖去食，簡直將成個蕃薯嘅味道提升到另一個層次🤤，無諗過蕃薯都可以整到咁好食！
天丼 - 即係雜不甩嘅嘢炸埋一堆配飯食，呢個都好好食，少少都唔覺得油膩
梅子冷麵 - 酸酸冷冷的，可為今晚嘅一餐清下個口👍🏻
甜品
水晶球樣嘅叫「水上圓餅」，裡面摻了櫻花瓣同金箔，味道清新，不會太甜。
綠色的是綠茶蕨餅，味道就普通些。
Post
