Ocio (煙廠街) (Closed)

雖然當日冇乜客人，但等候時間耐過app上顯示嘅預計時間好多。雖然應該係食物一出就自取左，行番屋企只需5分鐘路程，但係野食全部都係凍嘅，特別係餐湯非常之凍。卡邦尼意粉無論係外貌同味道都唔似卡邦尼意粉，超多蒜，剩係得蒜味，味道好似Pizza Hut 嘅蒜香意粉。牛翼板味道ok，但講左7成熟變左全熟，好韌，薯條又凍又淋。蜜糖雞翼味道一般，多蜜糖，算係咁多樣野食中最好食。總括黎講，不可一不可再，應該唔會再幫襯。