餸記潮食 (Closed)

其實本身好鍾意食潮州打冷，特別係鵝片，但有時返工著得靚靚，去打冷舖食嘢總會有d唔自然。今日去完中央圖書館，就俾我search到大坑呢度有間似乎唔錯嘅“潮“食。未入餐廳，只看門面，白色外牆加大玻璃窗，已經感覺不錯。入到去見到環境真係好好，枱與枱之間夠晒闊落，仲有高背卡位，加上微黃燈光，感覺幾正。中低價位嘅午餐有幾多選擺，其實$100唔洗，有湯、有前菜、有汽水、仲有半邊滷水蛋，應該算係幾抵食。我揀左1號招牌滷水鵝飯($88)，有我最鍾意嘅滷水鵝片。其實喺咁舒服嘅環境食自己鍾意嘅嘢食，本身已經加分。而滷水鵝肉大細、厚薄適中，沒有多餘嘅肥膏，少少脂肪入口有濃香鵝油，滷水又夠入味，雖未致於一試難忘嘅十級好味，但個人私心真係覺得幾唔錯。前菜嘅醃菜少少甜唔太酸好啱我怕酸嘅口味。例湯有驚喜，以為係冬瓜湯，再潷兩下，原來係豆腐肉碎冬瓜湯，都幾多料，清清地啱晒夏天消暑。雖然都係簡單湯水，但點都好過溝水嘅所謂老火湯。滷水乳鴨($88)先要讚一讚算係幾厚肉，又無咩皮下脂肪，入口啖啖肉。雖然唔係紅燒乳鴨，不過我覺得應該都過過油，皮有小小脆。我諗呢度絕對會成為我大坑嘅飯堂，難得食到呢間坐得舒適、有少少格調、價錢算