洪記海鮮酒樓

Open Now

Now Closed

幾年前嚟過呢度食海鮮覺得都係一般，不過咁啱撞正幫襯嗰日係新年假期，其他海鮮酒家都要等位，於是就再俾多次機會洪記睇下會唔會有進步。我哋一行四個人叫咗幾款點心同埋一個四人海鮮套餐。啲點心係要自己出去攞嘅，但係款式就唔係好多。先講點心質素先，個排骨完全唔掂，無肉味得好大浸雪藏味。而且個潮州蒸粉果果皮做得過厚其餘果兩個就有啲油膩，仲要唔係熱嘅只係暖，好唔新鮮。之後就講下啲海鮮:個炒聖子真係不得了，聖子又唔爽口，然之後調味好鹹，完全唔合格大大失望芝士龍蝦伊麵: 啲龍蝦冇蝦味又un，而且完全吸唔到啲芝士味好明顯係完全分開煮，啲伊面又煮得太過林，唯一嘅好處係佢份量真係夠多。稍為好啲嘅係蒸鮑魚:個鮑魚份量都多嘅，不過個醬油味做得唔好而且欠缺陳皮令到成個菜式都好唔香口至於蒜蓉粉絲蒸扇貝，見到個賣相已經唔吸引未試過見過咁核突嘅蒜蓉粉絲蒸扇貝。又一次好明顯見到係扇貝烚完之後求其放啲豉油同埋蒜蓉粉絲就上枱俾客，離晒譜。而且啲粉絲質素好差怪怪地，好硬。最後一道海鮮係清蒸海上鮮，條魚好唔新鮮，不過佢整嘅時間啱啱好唔會話好老，但整體來講又係一般最後就係清炒菜心，呢個不過不失啦總算食得落肚整體來講呢一間餐廳嘅質素好差