大瀛喜日本料理 (Closed)

旺角食日本刺身、魚生放題有好多店選擇，但要食物質數好的而價錢又實惠的反而不多。上食評網看這間大瀛喜勁多好評，相對有信心，今晚就食這間。價錢2百幾，就可食到有質素的魚生，真是光食刺身已回本。其它食物款式種類都非常多，有刺身、壽司、燒物、炸物、天婦羅 、沙律、拉麵、甜品等等，加上啤酒、汽水和雪糕、雪條無限任飲任食，超值！刺身、壽司都非常新鮮，最愛蝦刺身和帶子壽司，好鮮甜爽口。三種不同蝦刺身以甜蝦最正。燒物和炸物以羊架和鳗魚特別好食，羊架燒到脆口而不腥，鳗魚肉滑而醬汁味香甜。貝殼類以青口為最出色，藍青口有真正海水味，鹹鹹地卻很鮮味，加上芝士焗製，味道更佳。炒蚬火喉夠，好惹味。最後食埋甜品，以椰汁布丁最好食，好香甜椰汁味，口感滑口。其它每一款試1-2件，甜品甜入心，食完大滿足。咁多美食，值得下次再食，强力推薦。