大壹燒鵝 (登輝大廈)

Open Now

Now Closed

好似架耐冇食過燒味啦，記得細細個屋企好鐘意買肥美嘅叉鵝反屋企加餸。好懷念燒味嘅味道。係銅鑼灣揾到一間幾高質嘅燒味飯，餐廳環境裝修幾乾淨整潔，同埋好靚，同傳統燒味店好大分別，座位私隱度好高。食物質素幾高。口水雞（例牌）$68口水雞皮薄有彈性，雞肉好滑嫩，醬汁唔係好辣，只係好香辣油味，送飯一流😃燒鵝髀雙拼飯 $118拼咗燒腩仔，好大件而且肉一啲都唔會乾，又唔會太肥食唔到，最鐘意食表面塊皮脆卜卜好正。鵝髀皮薄又脆，脂肪比例啱啱好，點芥末醬又幾好味😋 大壹燒鵝套餐 $78拼咗叉燒，蜜汁叉燒好靚半肥瘦，食落甜甜蜜蜜。呢個餐幾扺食，仲跟一碟生菜同老火湯。好豐富丫。