嵐橋丼飯專門店 (Closed)

好耐無去尖沙咀嵐橋啦，以前只係得刺身丼飯但原來多左好多野食😍所以唔食得生野都唔緊要喎，一樣可以叫下唔同串燒 同其他熟食🤍鯛魚二重刺身丼 - 有我最愛的金目鯛和真鯛😌上枱十分澎湃，丼飯是赤醋飯，就咁食都好夠味。刺身新鮮，兩款相對淡味的白身魚絕對能夠成為主角！其他刺身還有牡丹蝦、帆立貝、吞拿魚蓉等❤️田樂豆腐 - 豆腐加上田樂味噌燒香，外層的皮好香脆，加上味噌甜甜地好易入口💛西京燒銀鱈魚 - 銀鱈魚真係好難在自己家中烹調，所以出去食一定無死。銀鱈魚有三件，經西京味噌醃過後少少甜味，立即想要碗飯🍚天婦羅盛合 - 天婦羅有粟米、天婦羅蝦、南瓜、番薯、茄子和魚，不過我意外地落左檸檬汁🥲我覺得跟番天婦羅汁更加適合。