Video
Read full review
2019-08-27
22 views
#川府宴 (銅鑼灣)銅鑼灣登龍街28號永光中心25樓-----星期五夜晚 又係比個胃放縱一下嘅時候 友人非常鍾意食酸菜魚 次次約親佢都幾乎係去有酸菜魚嘅餐廳 而今次我哋就揀咗係銅鑼灣嘅呢間川式私房菜😊呢間餐廳位於永光中心頂樓 裝修行傳統川菜風格之餘又帶點摩登 係星期五嘅夜晚幾乎座無虛席～-◆燈影鴨（$78) ：靈感源自四川名菜燈影牛肉 呢度將牛肉改為鴨 呢道菜式之所以叫燈影係因為佢整得非常薄身 用筷子夾起🥢放係燈光下面 肉片上嘅絲絲肉紋可以係墻上清晰反映出黎 就好似古時嘅燈影戲咁 川府宴嘅燈影鴨 味道食落麻辣鮮香 口感酥脆 雖然唔係特別食得慣鴨變成呢種質感 不過幾特別 下面仲鋪住一層炸得香脆嘅芋頭條 未食過燈影做法的話 值得一試😊-◆涼拌萵筍絲（$58)：清清地 解辣一流😝好適合叫一碟 用黎中和下其他比較辣味嘅小菜-◆乾鍋花菜（$88)花菜夠腍身 非常入味 甜中帶微辣 惹味得黎又感覺健康 B仔好中意😋-◆酸菜石斑（半條-$308) 好少見酸菜魚用石斑黎做 成條石斑起曬骨 食落皮厚肉嫩 雖然只係半條魚 但都足夠兩個人食到好飽 魚唔錯之外 其他材料亦算豐富 有萵筍 芽菜 酸菜 芫荽 薯粉
銅鑼灣登龍街28號永光中心25樓
-----
星期五夜晚 又係比個胃放縱一下嘅時候 友人非常鍾意食酸菜魚 次次約親佢都幾乎係去有酸菜魚嘅餐廳 而今次我哋就揀咗係銅鑼灣嘅呢間川式私房菜😊呢間餐廳位於永光中心頂樓 裝修行傳統川菜風格之餘又帶點摩登 係星期五嘅夜晚幾乎座無虛席～
-
◆燈影鴨（$78) ：靈感源自四川名菜燈影牛肉 呢度將牛肉改為鴨 呢道菜式之所以叫燈影係因為佢整得非常薄身 用筷子夾起🥢放係燈光下面 肉片上嘅絲絲肉紋可以係墻上清晰反映出黎 就好似古時嘅燈影戲咁 川府宴嘅燈影鴨 味道食落麻辣鮮香 口感酥脆 雖然唔係特別食得慣鴨變成呢種質感 不過幾特別 下面仲鋪住一層炸得香脆嘅芋頭條 未食過燈影做法的話 值得一試😊
-
◆涼拌萵筍絲（$58)：清清地 解辣一流😝好適合叫一碟 用黎中和下其他比較辣味嘅小菜
-
◆乾鍋花菜（$88)花菜夠腍身 非常入味 甜中帶微辣 惹味得黎又感覺健康 B仔好中意😋
-
◆酸菜石斑（半條-$308) 好少見酸菜魚用石斑黎做 成條石斑起曬骨 食落皮厚肉嫩 雖然只係半條魚 但都足夠兩個人食到好飽 魚唔錯之外 其他材料亦算豐富 有萵筍 芽菜 酸菜 芫荽 薯粉 雲耳 同經醃製過嘅酸白蘿蔔 當中最令人印象深刻嘅係薯粉 薯粉煙韌彈牙 同平時食嘅薯粉好唔同 似係手作 而非機器制😊
-
♥︎每位茶位15蚊
-----
👶🏻B仔整體評價：7.8/10個👍🏻
👶🏻B仔抵食程度：7.5/10個👍🏻
👶🏻B仔環境評分：7.5/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcwb
Post
