大渣哥茶記 (Closed)

想黎試好耐，但日日條人龍都係極長，午餐真係等到夠鐘都未必能入座。是日放下晝，係附近買完野，等人潮散左就入黎食。係門口度完體溫同check身份證就可以入座，平日嘅三點鐘無須等位。叫份常餐A試下先，落單後5分鐘左右已經黎齊，十分有效率。丹麥多士同火腿煎雙蛋，塊多士好香脆，勁重牛油味好好食。火腿蛋正正常常，入口爆蛋汁正呀。另外就係餐肉通粉，個湯底有啲金寶湯feel，好濃厚，連埋通粉食飲哂啲湯咁濟。餐肉食落好鹹，咁似三花牌嘅味嘅，睇下餐牌，原來真係三花牌，哈哈，仲要係日本版。凍檸茶走甜，大大杯，夠晒凍，呢啲天氣飲好正。價錢屬正常價位。玩味餐牌，好很藍系列，哈哈。