炎鳥羽

Open Now

Now Closed

午餐去左厚福街搵食。藍馬商業中心好多野食，今日選擇呢間炎鳥羽，午市無加一，有主食仲可以加$20有三串呢度拿手既串燒。因為一個人，所以坐吧枱，可以見到兩位廚師準備食物。一坐低已經有漬物同胡麻醬沙律。跟住仲有面豉湯，味道唔會過鹹。今日揀左炎海丼（$88）。原來就係火炙魚生，有帶子、三文魚等，勝在營養豐富。燒得比平時食火炙壽司多，達至半生熟。飯量唔太多，啱曬我奉行既低碳飲食。另加$20要左多春魚、牛肋骨、明太子雞翼。多春魚夠香脆，燒完唔散仲係完整一條。牛肋骨燒醬甜甜地好夾，份量幾大，咬落唔韌。明太子雞翼入面既明太子超爆滿！最後埋單$108。食物上得幾快幾爽手，啱曬上班一族。