新肥泉海鮮大排檔

Open Now

Now Closed

話說當晚運動後，經教練帶路嚟呢間大排檔食，望一望個餐牌，近8成小菜定價超過$100，真係「高鐵價」！熟食中心嘅大排檔仲貴過酒樓，大開眼界。叫左６個小菜，３個（凍冰冰又硬嘅）白飯。最快上菜嘅係蝦仁炒蛋，蝦係新鮮嘅，蛋都炒得幾滑，唔錯嘅。第二個係小炒王，份量都夠，味道都ＯＫ，唯一係韭菜花有啲老，部份有渣。食左１個半鐘，終於等到第三個菜，芥末牛肉粒，芥末醬都幾惹味，比黑椒牛肉更特別。之後擠牙膏式，催一次出一道菜，呢個咕嚕雞球就最經典喇～同枱４個人食左幾舊，剩係食到炸粉同雞油，完全食唔到有肉。有一刻懷疑阿姐係咪落錯左「咕嚕雞油」＝＝＂最後食（等）左成２個鐘都仲未上晒６個小菜，我地同老闆講啲餸未煮就cut單啦～佢先即刻上埋最後兩個菜，金銀蛋白菜同沙嗲金菇肥牛煲。已經等太耐，相都唔想影，咋咋淋食完就走喇～總結，呢間法國菜上菜速度嘅天價大牌檔，服務質素差，食物質素參差，完全唔達標，可一不可再。