上海弄堂菜肉餛飩 (歌賦街) (Moved) New Location

好有中國風嘅一間上海菜館~~ 睇下d傢俬同佈置都好有誠意架我同朋友每人叫左個一人套餐，再一齊share d 餸。而我哋最想都系食個花雕醉雞 果然無令人失望，雞肉好嫩滑，酒味仲好濃添。就算我個frd有揸車，都要食呀，因為真係好好食😂不過d菜飯就麻麻地，可能擺耐左，飯有d乾，仲有唔夠香同油。跟住係手拍小黃瓜，d瓜好爽脆同清新，都係好少出錯嘅一味餸嚟~~呢味糖醋排骨嘅份量好多。排骨好入味，甜甜地好醒胃唔小心叫錯左酸辣湯，我同個frd 咁啱都咳緊，不過好彩原來佢唔系太辣。碗湯仲好多料添，有d豆腐乾，木耳等等。