王將精點 (Closed)

有時一個人食lunch唔知食咩好, 都會黎到呢間王將蒸點, 呢d點心店好就好在可以食到新鮮點心之餘, 仲有唔同款既蒸飯, 唔洗下下去酒樓飲茶呀嘛! 一個人都輕鬆食到好味點心!👍🏾今日好肚餓, 所以叫左1個飯同埋3個點心, 等左15分鐘就有得食, 見到有位坐, 所以直接食埋先走人。個蒸雞飯好有誠意, 有荷葉墊底, 雞肉滑身, 加埋甜豉油真係好好送飯! 另外叫左鮮蝦脆皮腸, 山竹牛肉, 同埋牛肚。特別推介鮮蝦脆皮腸, 因為真係即整先有呢個脆卜卜口感!🤤 山竹牛肉賣相好靚成個福袋咁, 口感彈牙, 相當唔錯架!平時已經好少見到羅白絲酥餅, 所以食完就買左一個外賣做下午茶, 估唔到放左幾個鐘仲係脆身, 無出油, 入面羅白絲好多, 好正喎!!😍