Video
1-min walk from Exit A1, Yau Ma Tei MTR Station
continue reading
Opening Hours
Mon - Sun
07:00 - 22:00
Above information is for reference only. Please check details with the restaurant.
有時一個人食lunch唔知食咩好, 都會黎到呢間王將蒸點, 呢d點心店好就好在可以食到新鮮點心之餘, 仲有唔同款既蒸飯, 唔洗下下去酒樓飲茶呀嘛! 一個人都輕鬆食到好味點心!👍🏾今日好肚餓, 所以叫左1個飯同埋3個點心, 等左15分鐘就有得食, 見到有位坐, 所以直接食埋先走人。個蒸雞飯好有誠意, 有荷葉墊底, 雞肉滑身, 加埋甜豉油真係好好送飯! 另外叫左鮮蝦脆皮腸, 山竹牛肉, 同埋牛肚。特別推介鮮蝦脆皮腸, 因為真係即整先有呢個脆卜卜口感!🤤 山竹牛肉賣相好靚成個福袋咁, 口感彈牙, 相當唔錯架!平時已經好少見到羅白絲酥餅, 所以食完就買左一個外賣做下午茶, 估唔到放左幾個鐘仲係脆身, 無出油, 入面羅白絲好多, 好正喎!!😍
continue reading
喺油麻地地鐵站口好方便，放工去上堂之前經過就買黎試一試。雖然細細間，但係五臟俱全，隔離仲有一啲位俾大家坐低食選擇都有幾多，唔輸蝕比酒樓架，有包，點心，飯等等。仲有一啲新式嘅飲品，好似楊枝甘露咁。夜晚好肚餓，所以叫咗一個蒸飯同埋幾個點心，等左20分鐘左右就有得食，因為係即叫即蒸，所以都要俾啲耐性㗎。臘腸蒸雞飯好大份， 好足料，蒸雞都好滑，好正！另外推介嘅就係流沙包同埋炸兩腸粉，流沙包真係好流沙，果然係主打，炸兩腸入邊嘅油炸鬼好脆好新鮮！
continue reading
某連鎖店既店心已經食到好厭，外賣點店真係好少，而呢間位於油麻地地鐵站口旁既點心店除左可以堂食之外，仲可以外賣！夠晒方便，而全部點心、蒸飯都係即叫即蒸，能確保新鮮👍🏻《豬嘜包拼啜啜包》$25/2黎之前一心想嗌呢一款，太可愛！豬嘜包內饀係叉燒，份量好多，仲係流質狀添，好惹味！啜啜包係流沙包，流沙效果一流！稍微一咬開就洶湧而出，超正！食既時候要小心。《山竹牛肉粿》$18呢個同平時食既唔同，外面有一塊厚身既腐皮包住，樣貌可愛得黎又好食。牛肉粿入面有好多馬蹄粒，多汁爽口！《蘿蔔絲酥餅》$18呢個相對較一般，外皮較厚，酥脆度一般，可能我唔係即食既原因～不過入面既餡好多，仲有蝦米👍🏻。《蟹籽鮮蝦脆皮腸》$30呢個好好食！一定要試👍🏻腸粉皮好薄滑，包住超香脆既油炸鬼同蝦膠，面頭既蟹籽更提升味道層次，一啖過唔點豉油都好惹味！ 呢度既點心好有gimmick，選擇又多，整體味道十分唔錯，一定會再幫襯！
continue reading
早幾天見到同事帶個粉紅色豬仔包做早餐，個樣Q到爆，乜咁早就去酒樓食點心打埋包，佢話冇咁嘅事，只不過係返工路過買咗份外賣，原來同事住油麻地，粉紅豬仔包就係喺 碧街地鐵口嘅［王將精點］ 度買嘅。今日去開嗰邊預咗一試，果然一出A1 地鐵口 就見到間舖，門面設計好古裝下，粉紅豬仔正名係粉豚豬嘜包，實質係叉燒包來的，落左單原來係即叫即蒸，Counter旁邊仲有悠閒吧枱座，可以好casual 咁食下點心又幾好啊🥰除咗粉豚豬嘜包，我仲點左蟹子鮮蝦脆皮腸，嘩，絕對可以話係一試難忘，通透嘅腸粉皮內包着層層薄脆，仲食得出係好似網絲咁，逐漸爆開，再嚟鮮甜蝦仁，粒粒蟹籽霹靂啪喇，好好食呀👍👍👍講番隻粉豚豬嘜、熱呼呼個樣成隻豬八戒咁好得意，我一口咬開，义燒醬汁好似火山岩咁瀉出來，蜜汁餡料甜甜地，唔肥唔瘦，兜住個包一啖啖咁駁住食，唔係誇張，味道係超級咁正 ⭐️⭐️⭐️⭐️⭐️睇下睇下點解兩隻豬嘜唔同樣🤪，原來西化啲果隻叫啜啜流沙包，又好正咁，呢間［王將精點］高質非凡，真係後悔❤️愛得太遲👑👑👑
continue reading
星期日，周為都係人，想同女朋友飲茶，又好難等到位，向油麻地行行下見到有一間食點心既餐廳，餐廳外觀好靚，而且重提無堂食坐位，咁岩無咩人坐，個個都買外賣😂😂我地坐底左就攞張餐牌慢慢睇，佢地啲點心好有特色，不但賣相吸引，改既名重好有創意。從餐廳既設計同菜色名字賣相，我可以肯定老闆係好有心做點心，真心鍾意點心。呢個就係將工作睇成事業既結果👍🏻👍🏻睇得出老闆既心思😂我地叫左幾樣野食，有一啲出面真係食吾到，一陣大介紹埋比大家。👍🏻👍🏻我地點左玄米茶同埋鐵觀音，熱辣辣一大杯，正。茶用茶包裝好，等客人易飲啲，有心👍🏻食物方面，我地第一樣叫左棒棒拉芝長春卷。好香脆，咬落去，芝士既香味衝晒出黎，重要有芝士絲連住口同春卷，好好味。第二樣野食，我地叫左啜啜流沙包，如果你用筷子刺穿豬鼻，你會發現當你咬落去或者按落去果時，啲奶皇會從豬鼻流出黎，好cute又好味。😂😂同女朋友係咁玩隻豬同埋影相，極力推介。第三樣野，我地叫左牛肉球，佢地用腐皮包住牛肉黎蒸，賣相好吸引，而且味道都吾差。第4 樣食物，我地叫左蟹子鮮蝦脆皮腸。佢地用鴡粉包住油炸鬼，但個油炸鬼係脆嫁，吾係淋嫁👍🏻👍🏻👍🏻，重要向上面加入蟹子，真係好好味，呢一個點心出面都係食吾到😀，所以一定要試。最後一個餸，係今餐既重點，就係疾戰龍蝦籠仔飯。為左食呢個飯先黎，但數量有限，賣完即止，因為個龍蝦係即時劏嫁，食吾食到都要睇彩數😂😂😂，今次幸運地食到。個龍蝦飯好香荷葉味，重有龍蝦味，加埋佢個汁，一流，好好味。大家真係要試下呢個龍蝦飯。吾駛次次飲茶都鳳爪排骨飯，哈哈😄食左咁多野，都吾駛二百蚊，飲茶黎講，重有龍蝦食，真係好抵，下次要再去食埋其他特式野👍🏻👍🏻
continue reading