樂天皇朝 (青衣城1)

Open Now

Now Closed

放假同朋友去咗青衣城行吓，朋友喜歡食上海菜，尤其係樂天皇朝，佢一定唔會錯過佢哋嘅小籠包，青衣城剛好有分店，朋友話請我食返餐。餐廳裝潢設計時尚雅緻，地方寬敞，座位舒適。廚房是半開放式的，可以看到廚師製作食物。入座後送上熱茶和小食，花生粟子夠林又入味！招牌原味小籠包：小籠包係即叫即蒸,上檯時熱辣辣，小籠包皮薄餡鮮，包內肉汁豐富又鮮味，配些薑絲和醋食，超級好味！無錫肉鍋貼：鍋貼底部煎得脆卜卜，一樣做到皮薄餡鮮，入面同樣有鮮甜又juicy既鮮肉。皇朝擔擔麵：揀咗少辣，麵上面放了點蔥花和花生碎提味，湯底滲出濃郁的麻醬香，上海麵掛湯後又滑又惹味，真係愈食愈滋味。木樨肉炒拉麵：木樨肉以豬肉、雞蛋、木耳等混炒而成，用嚟炒拉麵帶著濃濃鑊氣，惹味得來不會太油膩。炸刀切小饅頭：饅頭炸到金黃色，沾煉乳一起吃，外脆內軟，甜甜的好好味！