上海弄堂菜肉餛飩 (歌賦街) (Moved) New Location

呢間上海菜之前係晚飯時間食過，對呢度都幾有好感，鍾意呢度係食上海菜之餘，又有飲茶feel今日趕住要返公司，就同朋友過嚟呢度外賣lunch打電話過嚟落單，預返時間過嚟攞就得，好方便。香菇烤麩～之前喺其他地方食多數都係凍盤，但係呢度嘅係熱嘅，原來熱嘅烤麩，香味會更加突出。我加$5要咗一份陽春面，令人驚喜，陽春面同湯係分開上，店家用咗雞湯，食嘅時候將麵條泡落湯度，湯頭清澈，味道甘甘地，麵條彈牙👍👍另外見同事們仲點左花雕醉雞菜飯 、蔥爆牛肉 菜飯、回鍋肉 菜飯 疫情關係，冇得同佢地分享，見佢哋都幾高評價，下次我都要試多幾款先😁