食物種類有好多，我同朋友order左個小食同一個燒汁飯加一個日式便當，相當吸引！
田園三盛分別有照燒翠玉瓜、木魚燒茄子同紫心香芋丸，瓜同茄子都燒得好香口，醬汁夠香濃，炸既香芋丸煙煙韌韌幾好嚼～
鹿兒島便當，呢個日式便當好豐盛，有刺身，有炸雞，有螺肉，仲有主食汁煮豬軟骨配咖喱飯，滿足晒每樣食少少既願望，汁煮豬軟骨煮得好林超入味，咖喱飯香甜好好送飯！
蒲燒三文魚腩燒汁飯，三文魚腩刺身食得多，估唔到燒熟既三文魚腩都幾肥美嫩滑，配埋燒汁飯，就唔會食白飯咁dry~~
飲品order既係巨峰梳打同白桃梳打，兩杯都唔錯，冰涼解渴！
