Video
Read full review
2019-01-21
902 views
香港地少人多，空氣污染嚴重。想呼吸新鮮空氣，感受一下久違嘅大自然，最近嘅地方就係上川龍飲茶。响荃灣上川龍只要搭一程小巴就到，算係幾方便嘅！ 端記茶樓係一間懷舊點心嘅茶樓，為村民，行山客提供服務多年。茶樓基本上由沖茶到攞點心都係自助形式。熱辣辣嘅點心不斷出爐，啱食就自己攞，無星級服務，但見人人開心滿足 點心款式方面，全部都係阿爸阿爺嗰輩嘅傳統點心，如臘腸卷、蒸鯪魚球、灌湯餃、蒸蘿蔔糕、豬肉燒賣、鴨腳扎…… 款款足料扎實，味道同兒時同嫲嫲去飲茶一樣，味道懷舊，回憶依舊如初，感覺自己思念嘅人同味道一齊返晒嚟！嚟到端記如果啱時候嘅話，一定要試吓佢哋自家種植嘅西洋菜，大大碟勁香西洋菜味。飲完茶行出路口 就見到好多有機菜檔，行過路過，埋嚟睇埋嚟揀！
端記茶樓係一間懷舊點心嘅茶樓，為村民，行山客提供服務多年。茶樓基本上由沖茶到攞點心都係自助形式。熱辣辣嘅點心不斷出爐，啱食就自己攞，無星級服務，但見人人開心滿足
點心款式方面，全部都係阿爸阿爺嗰輩嘅傳統點心，如臘腸卷、蒸鯪魚球、灌湯餃、蒸蘿蔔糕、豬肉燒賣、鴨腳扎…… 款款足料扎實，味道同兒時同嫲嫲去飲茶一樣，味道懷舊，回憶依舊如初，感覺自己思念嘅人同味道一齊返晒嚟！
嚟到端記如果啱時候嘅話，一定要試吓佢哋自家種植嘅西洋菜，大大碟勁香西洋菜味。
飲完茶行出路口 就見到好多有機菜檔，行過路過，埋嚟睇埋嚟揀！
Post
