孖沙茶餐廳 (Closed)

一份煎蛋叉燒飯點解會有呢個別名呢？咪就係因為三隻煎蛋痴埋一齊，三隻蛋黃好似三眼仔。我見好多食評都話呢個飯好正，唔識煎靚蛋嘅我覺得唔錯啦，一次過篤串兩隻蛋黃睇住啲蛋汁流出嗰刻好治癒 😜😜(其中一隻蛋喺上枱前已經穿咗LOL) 叉燒就真係好普通，以瘦肉為主，冇燶邊嘅叉燒我始終覺得唔夠完美🤷🏻‍♀️碟飯份量好大，啲米飯多到我係食唔晒嘅。午飯時間真係超繁忙，要搭枱。以價錢喺呢區嚟講真係冇得輸 - 煎蛋叉燒飯+凍奶茶 = HKD45。