光榮冰室 (厚福街) (Closed)

星期日在尖沙咀行街, 來到厚福街準備醫肚食午飯, 見到路邊有間舊式茶餐廳叫”光榮冰室”, 我好有興趣入去食下D懷舊嘢. 入到鋪頭, 果然的座位都是懷舊式, 兩邊是卡座, 中間是圓枱, 連餐單上的食物都好懷舊, 有令人惊喜的超厚奄列, 有傳統的叉燒煎蛋飯, 咖哩牛腩飯等等, 非常吸引, 樣樣都想食, 但最後我都是叫了個三眼仔豬扒飯加杯涷檸茶. 三眼仔豬扒飯原來是三隻太陽蛋加一大塊又大又厚的豬扒, 上面淋了秘制豉油, 雞蛋的蛋白全熟, 熟得來唔怕老, 看上去都覺得很嫩滑, 而蛋黃是生的, 我將蛋黃攪碎同豉油及白飯撈勻, 哇! 呢個就係我想食的味道了, 送一啖一口, 好好味呀! 有雞蛋的香, 豉油的甜, 蛋白的滑, 超好味道! 唔駛其他餸, 淨係這雞蛋, 白飯及豉油都可以食晒一碟飯, 令人回味的味道! 好食! 而豬扒雖然厚但卻一D都唔怕鞋, 沾上甜豉油的豬扒非常香口, 啖啖肉, 送飯都是一流, 食兩啖飯再飲上一口涼浸浸的涷檸茶, 好爽呀! 碟飯轉眼就被我一掃而空, 真係好味道!