野郎 Stone x 鰻工房 (Closed)

早排睇綜藝節目叢林的法則，見到炳萬釣到D鰻魚囉去燒好鬼吸晴，心思思又好想食燒鰻魚，心動不如行動，過兩日走去對面海去鰻工房食鰻魚.上網睇睇，鰻工房原來已經搬咗去新鋪！好彩上網睇睇先，無白走一轉.點咗客活燒鰻魚丼同浦燒鰻.穴子二重丼.活燒鰻魚，浦燒鰻同穴子係三款完全唔同口感嘅鰻魚.穴子係最細條嘅鰻魚，肉質最幼滑，所以入口即溶感覺最強.加咗浦燒汁嘅鰻魚相信大家都食過，而哩款亦都係我最愛，因為有味道帶甜嘅浦燒汁.活燒鰻魚最厚肉，所以口感最豐富，因為用嘅醬汁唔係太多，所以鰻魚嘅鮮味最強烈。如果將活燒鰻魚加上浦燒汁就更理想.