三川居酒屋 (Closed)

平日返工忙來趕去，終於等到週末，可以好好放鬆一下！最好嘅慰藉莫過於去日式居酒屋，可以食串燒、小食，亦有壽司、刺身、鍋物等，勝在應有盡有，可以滿足喜歡品嚐日本料理嘅我😋上兩次到訪三川，印象深刻，地下草廬式設計帶出日本居酒屋嘅風味。雖然小店位於銅鑼灣繁榮鬧市，但價錢親民，係令人感覺自在又可以小酌嘅場所🍶今次三顧草廬，食個longlunch 😌·二人刺身盛· $300此乃人氣選擇，三川其中一個成功吸引食客嘅攻略就係供應時令匹配又新鮮嘅刺身，而且足料厚切，如果有特別喜好亦可同餐廳溝通，今次佢哋都有盡量配合👍🏻·明太子蟹肉醬焗蠔肉蘑菇批· $98呢道係新鮮又有趣嘅配搭，來到不可不試！肥厚嘅大啡菇，香濃嘅明太子加烤香芝士，仲有一隻啖啖肉嘅蠔，難怪會成為招牌菜～·日式牛肉鍋· $148食鍋物，最着重嘅就係食材豐富，三川保持到呢個水準，非常足料，配菜有豆腐、娃娃菜、冬菇、金菇、小棠菜、芋絲、生雞蛋等，當然唔少得主角：牛小排肉。