經過六國酒店門口先至知道有呢個品魅下午茶。$268 for 2,要加一，3-5pm,可以早少少入去飲定自助餐茶。全場得我哋一台客，仲有兩個男人飲杯酒好快就離開，所以我哋包咗場！
店員都好休閒，但該做嘅服務都做得齊，成個場地嘅氣氛都好休閒慵懶XD
第一層同最尾嗰層嘅鹹點唔錯，尤其第一層係最值錢，帶子煎得恰當，蝦同牛肉都不錯吃。炸雞同咖喱角出現喺三層下午茶，雖然睇落頹頹地，但其實係好飽足。海鮮酥盒入面有蜆、青口、魷魚，意外地豐富。
中間嘅甜品就麻麻哋，醬料太甜，餅底過硬或者軟，達唔到脆嘅效果。
志在有地方靜靜地渡過下午，輕輕鬆鬆傾吓計係唔錯嘅，不過就唔好期待超版嘅食物水準。
