8鍋臭臭鍋 (金巴利道) (Closed)

今日去尖沙咀接男朋友收工，之後就一齊去食晚餐。我地見呢間8鍋臭臭鍋都幾多人，所以我地都決定排隊等食~我叫嘅係芝士牛奶鍋（$112），入面有娃娃菜、台灣貢丸、烏冬等配料，都幾豐富，而且湯底好濃郁！男朋友叫嘅係香蒜牛肉鍋（$112），有牛肉片、甜不辣、鳴門卷等等嘅配料喺入面~我地仲叫左個鹽酥雞（$42）外層酥脆得黎，入面雞肉好滑！飲品方面，男朋友叫嘅係百香果紅茶（$26）而我飲嘅係芒果鮮奶沙冰（$35）男朋友表示茶味都幾出，加埋酸酸甜甜嘅百香果，好fresh！而我杯沙冰，芒果味又濃又夠甜，再配埋濃濃嘅牛奶味，正呀~呢到嘅飲品比出面d台式飲品店好飲，真係令我覺得意外XD