御滿屋日本料理

Open Now

Now Closed

今日黎左旺角行街，血拚完當然要醫肚啦。我地決定食放題好好滿足下五臟廟，所以去左御滿屋日本料理~呢到刺身嘅款式都叫多，除左大路嘅三文魚之外，仲有池魚王、大赤蝦、希靈魚等等。我自己就特別鍾意特級吞拿魚，夠新鮮肥美！另外，呢到嘅火炙壽司都幾好食，當中不斷refill左幾次嘅係芝士蟹棒黃金燒同埋火炙和牛壽司，前者嘅蟹棒夠曬長加埋芝士好惹味;後者燒到剛熟嘅和牛口感一流！除左刺身、壽司，當然仲有串燒、熟食啦，我就必叫甜甜嘅燒菠蘿同埋香口嘅和風汁牛柳粒啦。飲品方面，呢到除左一般紙包飲品同罐裝飲品外，令人意外嘅係呢到有黑啤。而且仲可以用點菜紙叫嘅飲品，我試左藍糖白桃梳打同清涼蜜柑，我自己就比較鍾意後者味道清清地，飲完有消滯感覺。