Wingman (Closed)

我同朋友都好鐘意食雞翼，之前上網見到有人介紹，即刻相約朋友去「Wingman」食雞翼放題。餐廳位於旺角新城17樓，係信和商場格離，非常方便。餐牌有拼盤或3款不同價錢放題可以選擇，有3款/10款/19款口味放題，原本我地諗住叫拼盤，但心郁郁又想試多幾款味，最後我地都係選了19款口味放題，只係$278雞翼任食、薯條、沙律、韓國捲心菜、松露芝士通心粉都係任食，飲品任飲有汽水和啤酒。19款口味，味道相當吸引，我地點了幾款味道，有泰式甜辣醬、死神醬、特製水牛城醬、巴馬臣芝士蒜蓉味醬、田園風味、日本蜂蜜芥辣、新加坡辣蟹味。我地都食得辣，簡左多款辣味，全部都超級惹味特別死神醬，我都算食得辣，死神醬真係堅辣，辣得好過隱。特製水牛城醬，酸酸辣辣好開胃，再加上上面的芝士一齊食又幾夾，新加坡辣蟹味，上面鋪滿了勁多炸蒜和辣椒絲，香口惹味日本蜂蜜芥辣，有舊wasabi比你自己搽落個雞翼到，甜甜地蜂蜜味勁突出，我好鐘意。巴馬臣芝士蒜蓉味醬，滿滿的芝士和蒜蓉鋪上雞翼，芝士和蒜蓉味好突出，食完以一round 我地都已經飽飽地最後我地叫左份薯條，薯條比我想像中大兜炸得好香脆，一口接一口停不了。