今次好開心，我哋可以入房自成一角咁食，傾，玩B🥰 平時真係好難搵到間房俾我同d 朋友玩！Party Room 又冇得食到咁正嘅野！
另外不得不讚佢哋嘅師傅，好知道個客想要d 咩氣氛！因為有小朋友生日，佢仲用食物切咗個生日快樂祝福出黎俾大家影相！

沙律新鮮係好重要！加上少少酸嘅自製沙律醬，好開胃！

新鮮沙律後就來料！海鮮拼盤！ 唔係講笑！好大份！一睇就知係靚貨！我好耐有食龍蝦，師傅將佢剪到剛剛好！啱啱好熟！加埋D 龍蝦膏🤤
師傅話加幾粒魚子就會提升晒帶子嘅未，又靚好多！佢又講得好啱喎！聖子帶子好大好新鮮！同埋個魚不得不提，煎到真係啱啱好！上面兩塊皮好脆！

Foie Gras on toast! 個厚度啱啱好！

哩個最係驚喜！識我嘅人都知我鍾意飲湯，哩個係侍應無聲無聲放咗喺我隔離！食完一轉煎嘅野，有碗鮮湯真係好舒服！

到肉嘞！問心真係好靚！一入口就溶！加埋d乾蒜，諗起又想食多轉🤤
看似普通炒飯，但其實裏面係有蝦乾仔，蟹籽，煙肉。個蛋黃流入去d 飯度，我上咗天堂一轉！
普通一隻蛋點解可以咁好食架？
1
