野郎 Stone x 鰻工房 (Closed)

今日係銅鑼灣閒逛，無無聊聊行入平日好少經過嘅渣甸坊，發現原來有唔少細型餐廳。當你嘅朋友好想鋸扒但係你想食得light 啲時候，野狼stone X 鰻工房就係唔錯嘅選擇啦，雙方都滿足！ 牛板腱 300g $158平時食開肉眼，今次見到牛扳鍵價錢實惠啲，差唔多價錢可以食多100 gram，師奶仔心態一於試下。加30蚊就有任添嘅飯、湯同埋沙律。肉質鮮嫩而且肉質豐厚，自己可以係燒熱嘅石頭上面燒到中意幾熟就幾熟悉，熱辣直接放入口，正！手握鰻魚飯糰 $28鰻魚壽司就食得多，估唔到原來鰻魚飯糰可以禁好食，岩曬我呢啲飯桶！雖然鰻魚唔係好大塊，但係飯粒本身有燒汁調味，就算齋食飯都唔會太寡。 燒鰻魚串 $28果然係鰻魚專門店， 食得出唔係凍肉蒲果種即食鰻魚而係自己燒嘅，口感軟身得離唔會太淋，讚！醬汁味道剛好，直接唔配飯食都唔會太鹹，如果更加厚身就完美喇！總括而言，價錢親民，食物質素高，可以encore！