Burgeroom (美麗華廣場1期) (Closed)

之前銅鑼灣開嘅時候，我已經有捧場，依家尖沙咀都有就更加方便。午市坐得舒服，而且唔算好多人，今日同媽咪一齊嚟，叫咗菠蘿牛肉漢堡。菠蘿好Juicy，而且好甜！牛肉漢堡牛肉非常之厚，而且入邊仲有洋蔥，好好食。另外，我叫咗黑松露大啡菇牛肉漢堡，大啡菇非常之厚，而且咬落去都係好Juicy! 仲有煙肉添，黑松露味唔算太重，但係食落都有黑松露香。午餐加$30配餐飲及薯條，非常抵食。我哋叫咗咖啡，叫咗榛子泡沫咖啡，榛子味好香，而且唔會太甜。呢度啲咖啡係用illy ，好飲。我另外都叫咗Rose Cappuccino ，玫瑰味好香，滿足！