Video
Read full review
2014-03-24
6856 views
父親大人生日, 念念不忘去年的流浮山海鮮宴,但大哥又極力推介三聖村的加工海鮮店, 今年即管試下. 我們11人, 有老有嫩, 預早訂枱食6時3早場, 故不用等位直入店內大枱. 本著師奶仔的性格, 早已在屯門新墟街市搜羅7樣海鮮另加1打壽包, 盛為1仟元左右, 自我感覺良好. 原來自來海鮮加工費為每斤52元 , 我買了13斤幾, 佢秤了我13斤半, 即係加工費要$702. 另在店內選了幾味小菜.人齊了便要求上菜, 上菜次序凌亂, 但店內菜是首先出場的.椒鹽鮮魷- 差點認不到此菜, 成個春捲樣, 因大家都好肚餓, 即時夾光 , 肉質都幾鮮嫩, 但唔夠脆口.咕嚕肉-小朋友的至愛, 大排檔拿手菜, 水準OK 跟住就係我抽來的海鮮了龍躉炒西蘭花 - 因要加菜炒,另再加收$60 , 魚肉鮮味又彈口, 料正味好無難度.辣酒煮花磥-真係妹仔大過主人婆,2斤材料才$56,加工費卻$104，個湯唔辣又唔香，好彩磥的鮮味搭夠.豉油皇爆蝦，唔知係D蝦定係咩問題，略嫌煮過火，肉質老咗又靱咗 砵酒焗𤐶-我至愛的菜式，特地買了2桶美國桶蠔，但煮到好似蠔鼓咁，邊皮又乾又硬，完全蹧蹋我的貨仔 店內燒鵝
我們11人, 有老有嫩, 預早訂枱食6時3早場, 故不用等位直入店內大枱. 本著師奶仔的性格, 早已在屯門新墟街市搜羅7樣海鮮另加1打壽包, 盛為1仟元左右, 自我感覺良好. 原來自來海鮮加工費為每斤52元 , 我買了13斤幾, 佢秤了我13斤半, 即係加工費要$702. 另在店內選了幾味小菜.
人齊了便要求上菜, 上菜次序凌亂, 但店內菜是首先出場的.
椒鹽鮮魷- 差點認不到此菜, 成個春捲樣, 因大家都好肚餓, 即時夾光 , 肉質都幾鮮嫩, 但唔夠脆口.
咕嚕肉-小朋友的至愛, 大排檔拿手菜, 水準OK跟住就係我抽來的海鮮了
龍躉炒西蘭花 - 因要加菜炒,另再加收$60 , 魚肉鮮味又彈口, 料正味好無難度.
辣酒煮花磥-真係妹仔大過主人婆,2斤材料才$56,加工費卻$104，個湯唔辣又唔香，好彩磥的鮮味搭夠.
豉油皇爆蝦，唔知係D蝦定係咩問題，略嫌煮過火，肉質老咗又靱咗
砵酒焗𤐶-我至愛的菜式，特地買了2桶美國桶蠔，但煮到好似蠔鼓咁，邊皮又乾又硬，完全蹧蹋我的貨仔
店內燒鵝半只-唔知點解要千呼萬喚先出場，又唔係即叫即焼，幸好祗點了半只，水準一般。
果皮蒸鮑魚仔-$100的鮮鮑仔，好彩沒蒸過火,肉質柔嫩，好味
豉汁蒸斑塊-始終都係龍𧄌肉好吃點，蒸魚有點淋身, 個汁好杰, 欠香味等了很久，以下兩道菜才出來
蒜茸粉絲蒸扇貝-味道ok唔太油,好彩粉絲不用額外加費，呢碟野至貴又至正，成3斤幾重，始終都要食此道菜才似食過海鮮
鹽焗奄仔-完全唔似我以前食開的鹽焗，油淋淋的蟹身黏住幾粒鹽巴，蟹鉗跌曬出來，蟹肉味道鮮味但蟹身我覺得洗擦不光淨，仍有很多泥巴，真有點影響食慾。此店雖座落屋村冬菇亭，大排檔格局，但價格絕不比酒樓便宜，茶芥／汽水／粉面飯通通$10元樣,在無人招呼服務下，星期六／日要收加一，自帶任何野都要收費，本人最不開心係先前查問過此店沒壽包供應,便自携1打細壽包要求翻蒸(其實可能係叮), 但都要加收$52 .
老實說, 本人要求很低, 此店試過一次就算, 無野值得再翻兜, 反正屯門仲有那麼多海鮮飯店.
Other Info. :
紅酒一支$80可幫襯,味道OK, 不搶喉, 反正自來酒水要$30. 此店收現金的.
(The above review is the personal opinion of a user which does not represent OpenRice's point of view.)
Post
