麥文記麵家

Open Now

Now Closed

話說住左佐敦幾個月，都無試過呢間雲吞麵，有一日心血來潮行入去，叫左碗雲吞麵，再加一碟蠔油菜心，之後就不得了，每個星期都去兩三次。。。之前睇電視話一碗正宗既雲吞麵叫細蓉，要擺一個湯羹係碗墊高雲吞先夠正宗，之前食過米芝蓮推介既英記美點小食都無呢度咁講究，心裡面總覺得係一種美好的情懷，值得珍而重之。每一粒雲吞都好飽滿，蝦肉爽口，湯底清鮮，至於麵則是十分十分彈牙，應該係我食過最彈牙的雲吞麵底。以為無甚特別的菜心，都覺得十分新鮮，唔知道大家有無試過叫外賣食過d菜一d都唔翠綠，大概就係新鮮同唔新鮮的緣故，總之就係呢頓雲吞麵我食到用心製作的情懷和誠意。希望這類的小店可以躲過城市的洗禮。