東京チカラめし (Closed)

呢度多人揀選牛肉飯、亦有豚肉飯。我今次一次過叫晒兩款一齊share。下午去都幾多人，坐滿8成。揀咗生姜燒豚肉定食$65，呢個定食有沙律麵豉湯。沙律幾新鮮，而且仲可以自己加沙律醬汁。另外麵豉湯味道都唔錯。豚肉生薑燒份量都好手，生薑味道夠香夠突出。豚肉夠肥夠腍身。追加小食泡菜$12，泡菜一小碟，口感爽口，辣辣的。我再追加燒牛肉$45，燒牛肉份量非常多，好大碟。牛肉夠多醬汁，而且夠濃味，鍾意牛肉肥瘦適中，連埋飯一齊食！