串Grill 自助燒烤專門店 (譽發廣場) (Closed)

今日同朋友黎任食燒烤，估唔到食物質素咁高，最後食到我哋好飽好飽，要喺附近散步消食🤣好靚嘅霓虹燈招牌💕食任食梗係唔少得攞嘢飲先啦，有好多好多唔同嘅飲品，拿左未見過嘅咸檸葡萄黎試下，味道都幾特別😂急不及待開始燒野食😋 好欣賞呢度嘅嘢食全部都係冇醃過，有唔同嘅醬汁同埋粉我哋可以自己去調味，唔使食樣樣嘢都一樣味🤣 另一方面呢度係絕對適合懶人嘅地方，全部野食都一串串黎，擺上去個爐就會自己轉，咩都唔使做🤣🙌樣樣野都好食😋 個人覺得最出色嘅係牛類（由於我食完都吾識分係邊款嘅牛😂）、多春魚、同埋雞蛋仔🔥 呢度嘅雞蛋仔真係冇得輸，烤完之後好脆好有蛋味！唔好誤會，佢係濕紙巾😂最後仲有雪糕收尾，我揀咗哈密瓜味，平時超市好似好少見，好好食入面仲有一粒粒嘅哈密瓜❤️😋