越泰 (Closed)

呢間餐廳之前聽同事介紹過，話食物質素唔錯仲成日排哂長龍，所以放工後就搵埋朋友一齊試下！餐廳叫越泰，顧名思義就係有越南野同泰國野食🇹🇭🇻🇳泰國野必食一定係小食拼盤！酸辣鳳爪調味十分好，仲配上蕃茄、洋蔥同西芹，加上醬汁酸酸辣辣好開胃！蝦餅炸得非常香脆同彈牙，魚餅未食已經聞倒檸檬葉既香味，食落香料味濃郁，春卷餡料豐富，咬落脆卜卜生牛肉河，湯底清甜，加上配料如洋蔥，九層塔，香蔥同青檸，又額外多左清新既感覺。牛肉份量頗多，唔會太肥亦唔鞋口。河粉入口滑溜。檬要，即係蕃茄蟹肉湯檬。蕃茄湯底濃郁，配上蟹肉增添鮮味，扎肉有兩款。其中一款仲加左雞軟骨，口感更豐富。海南雞飯，雞肉已經去骨非常嫩滑。雞皮薄身而且好滑溜。飯粒有油香，有咬口又唔會過硬。粉絲蝦煲，蝦肉爽口彈牙，粉絲炒得乾身，索哂蝦既精華大家都食到好滿足店鋪仲有提供午餐同下午茶，第日放飯又多一個選擇！