Video
Read full review
2025-01-11
123 views
-天氣凍梗係要食啲熱野暖下身，例如係韓式燒肉😝呢間餐廳背景音樂一直播緊kpop，而且仲有部電視播男團或者女團嘅MV，好似去左韓國食燒肉咁呀😎 ✨️前菜芽菜調味比較淡，但無豆芽普遍嘅草青味。海帶同樣調味較淡，不過有啲白芝麻粒，食落就比較香口。蘿蔔好食！冇一般餐廳咁酸，而且口感爽脆，係四碟入面最出色嘅😋泡菜正常發揮，辣度係唔食得辣嘅朋友都可以接受。 🐖石鍋拌飯 (豬肉) $88配菜包括海帶、泡菜、芽菜、洋蔥、紫菜，再加豬肉去拌飯。因為係石鍋關係，所以保持到熱度，等耐少少仲有香脆嘅飯焦😏豬肉係半肥瘦，有少少厚度，帶嚼勁。整體味道不太辣，而且帶有少少甜味。 🐮和牛拼盤 $458小朋友先做選擇，🐷就要試哂唔同國家嘅牛😏拼盤包括美國上肩胛肉、美國牛小排、美國下肩胛肉、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌。燒肉亦配上爐邊蛋，同泡菜一齊食都唔錯。🥩牛小排即牛肋脊部第6至第8根肋骨之間帶油筋去骨的一塊肉，燒完好香牛味，入口即化，肉汁鮮嫩豐富😍🥩牛舌由於薄切，所以好快熟，記得唔好燒太耐😉肉質嫩滑，口感Q彈。🥩1++韓牛肉眼即位於牛肩里脊肉和前腰脊肉之間的部
天氣凍梗係要食啲熱野暖下身，例如係韓式燒肉😝呢間餐廳背景音樂一直播緊kpop，而且仲有部電視播男團或者女團嘅MV，好似去左韓國食燒肉咁呀😎
✨️前菜
芽菜
調味比較淡，但無豆芽普遍嘅草青味。
海帶
同樣調味較淡，不過有啲白芝麻粒，食落就比較香口。
蘿蔔
好食！冇一般餐廳咁酸，而且口感爽脆，係四碟入面最出色嘅😋
泡菜
正常發揮，辣度係唔食得辣嘅朋友都可以接受。
🐖石鍋拌飯 (豬肉) $88
配菜包括海帶、泡菜、芽菜、洋蔥、紫菜，再加豬肉去拌飯。
因為係石鍋關係，所以保持到熱度，等耐少少仲有香脆嘅飯焦😏豬肉係半肥瘦，有少少厚度，帶嚼勁。整體味道不太辣，而且帶有少少甜味。
🐮和牛拼盤 $458
小朋友先做選擇，🐷就要試哂唔同國家嘅牛😏拼盤包括美國上肩胛肉、美國牛小排、美國下肩胛肉、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊、澳洲和牛舌。燒肉亦配上爐邊蛋，同泡菜一齊食都唔錯。
🥩牛小排
即牛肋脊部第6至第8根肋骨之間帶油筋去骨的一塊肉，燒完好香牛味，入口即化，肉汁鮮嫩豐富😍
🥩牛舌
由於薄切，所以好快熟，記得唔好燒太耐😉肉質嫩滑，口感Q彈。
🥩1++韓牛肉眼
即位於牛肩里脊肉和前腰脊肉之間的部位，色澤美，纖維細，肉質好，油花分布平均細密，肉質鮮美。
🤔所有肉都無任何調味，純粹食牛肉嘅原汁原味。順帶一提，餐廳有提供兩款醬汁俾客人點牛肉食， 一款係韓式大醬，帶辣味，較為惹味。另一款係燒肉汁，帶甜味，同啲燒肉味道好夾👍🏻
🍍原隻菠蘿冰 $78
原隻菠蘿上枱，打卡唔錯📸味道清新唔會太甜，仲可以食埋啲菠蘿肉。
🍐甜過初戀 $38
梨汁柚子梳打，味道較濃但同樣唔會太甜，清爽解膩。
Post
