一樂烏冬 (Closed)

今日去長沙灣搵舊同事，之後去附近周圍搵野食，呢間餐廳好近長沙灣地鐵站，大概行五分鐘就到，好方便。店內係平時拉麵店嘅裝修，雖然地方較細，但係座位之間尚算寬敞。餐牌上食物選擇挺多，單是烏冬就已經超過10款，另外，還有6款特色湯底選擇。可以先揀主菜然後再諗下湯底，有自由度不錯！我就揀咗一樂雜錦海鮮盛、赤湯： 一樂秘傳番茄豚肉濃湯。個烏冬嘅配料好多，有蝦、帆立貝、魷魚圈、蟹棒，好豐富，而且味道樣樣都咁鮮甜，唔止有量，仲有質。炸一口芝士配藍莓醬，芝士餅炸得岩岩好，內裡芝士完全溶曬，而且仲能夠拉出一絲芝士。沖繩黑糖蕨餅，自製既蕨餅，外觀放得好靚，紙同玻璃兩重包裝，蕨餅黑糖味香濃又夠煙靭，凍凍地，出面既黑豆粉夠香，好啱食完日本烏冬再食既甜品！