Aqua (Moved) New Location

今日升職打算請個好同事黎試下AQUA，睇見餐牌心裡裡就湧咗句：一年黎一次，豪一次！升職係開心事，當然要一齊開心下，大家食得開心，日後工作會更開心！一坐低已經送低咗麵包，幾好食暖暖地而且加埋橄欖油相當夾。一共叫咗四樣嘢食：意粉﹑PIZZA﹑壽司卷同埋小食一個埋單好似１5００＄左右，兩個人算合理。PIZZA可能叫錯味道，好奇怪，咁多片黑松露同豬腩片，有OVER的感覺，反而唔係太好食。意粉充滿蛋黃醬，粉條幾彈牙。唔錯小食方面就咁睇以為係青瓜，其實係好多條韭菜拼返一紮，好特別，加埋芝麻醬又幾開胃！最後壽司反而有啲平平無奇，同平時食無咩分別！