花粉熱 (Under Renovation)

每次去花墟都會嚟呢度坐一坐每次去到都會食日式草莓餡餅每次都會選擇坐二樓原來有啲嘢真係會成為習慣自從知道呢間花店兼營咖啡室之後，每次去花墟都會比佢哋既花香同咖啡香既記憶牽引，自自然然就會嚟呢度歇一歇。可能因為佢哋呢度嘅氣氛環境都令人置身於日式花店之中，有種悠閑放鬆既感覺。試過呢度嘅日式草莓餡餅同松露朱古力蛋糕，松露蛋糕朱古力味濃郁，但我都係較喜歡佢嘅草莓餡餅多啲。鍾意佢既吉士唔係太甜，餅底又鬆化，可能自己嘅口味都係比較喜歡清新一啲。佢哋嘅蛋糕水準屬中上，但價錢一啲都唔算平，草莓餡餅要$78不過每次忙碌工作之後，嚟到呢度買下花唞吓氣，動力好快又恢復。聖誕將至，又係時候去花墟買下應節嘅聖誕花同埋探下呢位老朋友了。