Video
Read full review
2019-01-16
1324 views
呢排天氣凍，食雞煲打邊爐係最正既選擇，今日放工同一個大食同事去挑戰一下同事間推介既倫哥任食海鮮雞煲，3 百幾蚊既價錢，究竟點解同間仍然強烈推介？ 7 點幾去到已經人山人海，睇嚟真係唔係講笑！呢度地方闊落，坐位多，仍然幾近坐滿就知道人氣殊不簡單！坐底無耐，熱情招待既侍應姐姐先放底左辣辣地既雲耳，豆角前菜俾我哋，都幾開胃！任飲罐裝飲品汽水，果汁擺滿成個雪櫃，除左呢d之外，仲有5 花茶無限添加！拎完飲品返嚟，一碟賣相吸引既刺身已經放左喺我哋檯上，有三文魚腩，大蝦，帶子，赤貝等，份量十足，厚切三文魚腩同帶子尤其出色，非常甜美！食緊刺身既同時，已有兩隻鮑魚加熱定等我哋繼續搏殺，我終於明白點解3 百幾蚊都可以吸引咁多人嚟食，未食到雞煲都已經咁豐富！講返隻鮑魚，size適中，兩至三啖食得晒，幾爽滑彈牙！除左鮑魚外，仲有估你唔到既燉湯，入面大大隻雞腳，瘦肉同不同既配料，呷一口鮮甜既燉湯暖暖胃，幫個胃熱熱身，一陣可以全力搏命食小辣雞煲份量十足，賣相唔錯，等緊熟既時間嗰幾分鐘d麻辣香味搞到人好期待！呢度d雞煲同出面好唔同，會加入爽口既牛柏葉，吸索麻辣汁勁好食既豆腐卜，仲有吸汁爽滑既豬皮同魷魚，真係非常驚喜
坐底無耐，熱情招待既侍應姐姐先放底左辣辣地既雲耳，豆角前菜俾我哋，都幾開胃！
任飲罐裝飲品汽水，果汁擺滿成個雪櫃，除左呢d之外，仲有5 花茶無限添加！
拎完飲品返嚟，一碟賣相吸引既刺身已經放左喺我哋檯上，有三文魚腩，大蝦，帶子，赤貝等，份量十足，厚切三文魚腩同帶子尤其出色，非常甜美！
食緊刺身既同時，已有兩隻鮑魚加熱定等我哋繼續搏殺，我終於明白點解3 百幾蚊都可以吸引咁多人嚟食，未食到雞煲都已經咁豐富！
講返隻鮑魚，size適中，兩至三啖食得晒，幾爽滑彈牙！
除左鮑魚外，仲有估你唔到既燉湯，入面大大隻雞腳，瘦肉同不同既配料，呷一口鮮甜既燉湯暖暖胃，幫個胃熱熱身，一陣可以全力搏命食
小辣雞煲份量十足，賣相唔錯，等緊熟既時間嗰幾分鐘d麻辣香味搞到人好期待！
呢度d雞煲同出面好唔同，會加入爽口既牛柏葉，吸索麻辣汁勁好食既豆腐卜，仲有吸汁爽滑既豬皮同魷魚，真係非常驚喜！
麻辣味幾香，小辣就唔係好辣，食得辣不妨叫辣d, 嫩滑既雞肉份量都幾多，唔夠可以再添加！
食完雞煲我哋諗住叫佢加湯之際，原來好戲在後頭，雞煲係會拎走，換上想要既湯底，再變海鮮打邊爐！餐廳會跟人頭奉送一盤海鮮，份量唔少，有蠔，海斑，檉子，蜆，蟹，蝦等等，真係有d後悔添加左一次雞煲！好驚食唔晒！
除左海鮮盤仲有非常高質比肥牛更滑既牛頸脊，滾兩滾就好食，千祈唔好過火！
除左上面嗰兩樣外，仲有蝦滑同黑墨魚滑，同蔬菜盤跟上，真係唔駛再點野食都夠晒飽了！特別推介一定要食既係黑墨魚滑，彈牙都不得了，第一次食到口感彈牙既墨魚滑，呢餐真係非常驚喜！
其實食晒d跟嚟既食物，都差唔多夠鐘，同待應話安排埋單之際，原來仲有甜品送！真係驚喜不斷有！今晚既甜品竟然係。。。四川冰粉！淡淡黑糖味配上香甜滑漏既冰粉真係無得彈！我而家終於明白到點解價錢唔係平都依然咁多人幫襯，咁鬼多同事推介！因為真係好抵食！
Post
