Video
Read full review
2018-11-13
128 views
朋友飯局介紹呢間前身叫『樂天客棧』宜家改咗名『樂天經典』嘅中菜, 改名之後朋友聲稱係未去過, 咁我地就抱住一試嘅心態去TRY TRY, 睇下改咗名之後水準會唔會有所唔同喇。 同行朋友就話裝修同MENU基本上都同之前差唔多一樣，前菜 (HK$15), 茶芥每位HK$8.【准山杞子螺頭湯】HK$178食中菜點小得老火湯，侍應好好咁分好一人一碗湯，再將D湯渣放上碟方便我地食用，湯飲得出唔係味精湯絕對係用長時間去煲，不得了，好滋補，一再添飲。 【菜香鐵板豆腐 (S)】HK$98其實呢個係我一見到菜單最想試嘅，睇見張相已經流哂口水，佢有大、中、小SIZE之分, 同埋微辣同唔辣選擇。我地揀咗微辣, 辣辣地確係好惹味, 個醬汁好濃, 混合埋d冬菇碎、豬肉碎、菜脯, 一啖咬落去唔同口感嘅配料食落更加豐富, 最底層仲有薄薄既蛋層, 連埋好滑既豆腐一齊食, 唔單至有淡淡既蛋味加埋豆香, 白飯啊唔該！【麥片蝦球 (S)】HK$138呢個真係有驚喜，上菜時見到一堆麥片上菜，心諗中伏，點知一放心口，原來禾稈冚珍珠，麥片令到炸蝦球無咁油到好香口添，我地都真係第一次食又有創意又好味嘅特色菜，推介！ 【櫻花蝦四季豆
同行朋友就話裝修同MENU基本上都同之前差唔多一樣，前菜 (HK$15), 茶芥每位HK$8.
【准山杞子螺頭湯】HK$178
食中菜點小得老火湯，侍應好好咁分好一人一碗湯，再將D湯渣放上碟方便我地食用，湯飲得出唔係味精湯絕對係用長時間去煲，不得了，好滋補，一再添飲。
【菜香鐵板豆腐 (S)】HK$98
其實呢個係我一見到菜單最想試嘅，睇見張相已經流哂口水，佢有大、中、小SIZE之分, 同埋微辣同唔辣選擇。我地揀咗微辣, 辣辣地確係好惹味, 個醬汁好濃, 混合埋d冬菇碎、豬肉碎、菜脯, 一啖咬落去唔同口感嘅配料食落更加豐富, 最底層仲有薄薄既蛋層, 連埋好滑既豆腐一齊食, 唔單至有淡淡既蛋味加埋豆香, 白飯啊唔該！
【麥片蝦球 (S)】HK$138
呢個真係有驚喜，上菜時見到一堆麥片上菜，心諗中伏，點知一放心口，原來禾稈冚珍珠，麥片令到炸蝦球無咁油到好香口添，我地都真係第一次食又有創意又好味嘅特色菜，推介！
【櫻花蝦四季豆 (S)】HK$82
櫻花蝦炸到好香口配埋辣椒﹑菜脯﹑蒜蓉炒四季豆，真係一條接一條， 又一送飯菜式。
**通常改名後好多都會質素下降，但呢到一反常態，食物同埋服務質素都一流，加上有個靚view，價錢同份量合理，值得encore喎!
Post
