喜記避風塘炒辣蟹 (謝斐道)

Open Now

Now Closed

今日一行4人去左銅鑼灣鵝頸橋附近食海鮮，我地叫左個$998 4 人套餐，都唔貴啊！喜記避風塘炒辣蟹，招牌菜，避風塘炸粒粒蒜乾身，少少辣好惹味，個蟹鉗大大隻啖啖肉，好味。可揀豉椒炒蜆或青口，我揀左炒蜆，都好濃味，如果少啲汁就仲好，蜆肉都好大粒。馳名沙拉骨或者生炒骨二選一，初頭以為係白色醬的沙拉骨，但原來係橙色醬的，甜甜酸酸，熱辣辣，都不錯。蒜蓉粉絲蒸扇貝，每人一隻蒸扇貝，好大隻，仲有好多蒜蓉同粉絲！蒜蓉炒時菜，個炒菜係白菜，都好食，不過都幾燙口，要小心食啊。最後就係避風塘炒牛河，都係招牌菜，牛河上面加左避風塘炒辣蟹個啲碎碎，更添風味。