蓮香樓

After eating pineapple bun, we came to central by ferry and watched the beautiful harbour view, and we arrived here and see another queue loll, okay not waiting too long this time, guess less than 15mins luckily haha, i pretty like the flowers paintings at the end of Lin Heung Lau haa, the environment is good you can really feel the feeling of old chaliu and like you backing to 60’s Siu Mai is a must have item haha, my number one favorite dum sim haha, i can eat this all day yaya, the one is in

招呼一班韓國朋友黎香港玩,韓國朋友指明一定要帶佢地去試下傳統港式茶樓,唸黎唸去都係得蓮香樓最有"港式味道",一早就帶住佢地黎排隊,今日安排見我地成5個,安排到張圓臺比我地,韓國朋友仔見到"點心車"已經迫不及待冲上去影相.叫左個"魚翅花膠灌湯餃",第一眼見到灌湯餃D湯噶色水知一定好食,啲湯金黃又清透，望落去好清,但飲落好濃郁,花膠嘅膠質同雞湯嘅甜味撈埋一齊，飲落喉嚨都黏黏哋好滋補,D花膠脹卜卜好飽滿,灌湯餃一啖咬開，熱辣辣嘅湯汁湧出嚟，鮮肉餡仲帶住啲薑蔥香，正到唔使點豉油都夠味‌.韓國朋友仔第一吃食"鮑汁鷄腳"都話好特別,鮑汁濃到掛唇，鷄腳炆到甩骨又唔爛，入口即化,個汁甜中帶鹹，仲有啖啖骨膠原，夠晒入味。食完咀角黐住層漿甘.韓國朋友覺得最特別係"蜜汁蛋散"蛋散炸得金黃透光，咬落‌嗦嗦聲‌，蜜糖漿掛得勻循，甜度‌啱啱好‌，最正係中間嗰浸‌鬆化感‌，一啖落去先脆後綿，仲有啖蛋香吊尾，抵讚！仲叫左牛肉球同整排骨等等,都係中上水準.同行韓國朋友仔都食得非常滿足.

早上行山後周圍搵食.見到長者茶錢兩元仲免加一.於事乎走上去一試.上到去自己搵個位坐低.叫咗一壺普洱茶.見到周圍食客大多是老街坊樣子.留意到有些外國食客在影相.佢哋可能感覺中茶有些奇怪.坐下一陣就到外出車仔搵野食.茶樓是設有自取點心區.其中以招牌懷舊大包.幾款蒸飯及點心.自取一個鳳爪排骨飯.仲有一碟牛肉.鳳爪排骨飯夠熱.不過唔夠香豆豉味.牛肉球口感嫩滑.有適量芫茜和馬口感極佳.酒樓員工會也推著點心車滿場走.如果心宜某一款點心.只需向酒樓員工叫喊.他們便會立即推到你面前真係傳統風味十足！

假日好得閒，即慶約親戚飲茶，諗返蓮香樓重開之後都未幫襯過(原來對上幫襯已係14年前嘅事!慨嘆歲月....)，趁今次去下。基本上由以前到而加都係好多遊客去(個感覺自己都變左遊客)，加上假日13:00就更加多人，預左要等位(但其實呢個時間咩茶樓都係要等位)，大約半個鐘後有位。樓高兩層，上層是茶樓，下層設有茶飲店及禮品店(感覺似手信)。重開的蓮香樓，保留返原貌及傳統，同時翻新左少許亦加入了新的元素，開設了茶飲店-蓮香茶(Lunch成日經過想挑機但最後都冇試)。懷舊的格局，傳統茶盅及推車仔等，人多搭枱就梗，見到令人懷念的推車仔，推住車仔叫賣，聽到想食即點果下正，兒時回憶返晒來~!出面有點心新鮮出爐即吸引左大家出去拎，但有好多想食嘅都冇晒。茶芥，每位$18。餐牌。懷舊馬拉糕(大點)，$35，好大件，平時好少點，見到即慶想食，鬆軟香甜。鵪鶉蛋燒賣(大點)，$35，細個時又好鐘意食燒賣上面果粒鵪鶉蛋，點來懷緬一番，味道正常水準。香蒨牛肉腸(頂點)，$40，腸粉有米香，芫荽牛肉內餡份量適中。鮮蝦炸雲吞(小點)，$25，口感香脆，正常水準。蓮香蝦餃皇(頂點)，$40，蝦餃大粒，外皮香軟，鮮蝦爽口。蟹籽燒

好耐冇過嚟啦，依家香港越嚟越少呢啲推車仔飲茶茶樓啦，真係“老港的味道”。豉汁蒸排骨、鳳爪、馬拉糕、黃金糕、蝦餃、鮮竹卷一定係必點㗎啦，開咗咁多年，都可以保持個水準，份量又足，排骨嫩滑，個鳳爪一食就知係自己整嘅唔係半成品，馬拉糕鬆化，奶香味好濃，鮮竹卷湯底濃郁，腐皮有袖口，中間捲着啲齋菜好香味，一啖落去夾埋湯底味好香，不過啲老茶樓呢都會有自己嘅傲氣，所以啲姐姐就會比較cool啲囉，不過唔影響嘅，呢d先係人間煙火味道。哈哈~

回想當日未結束，大學時期不定時同友人食早餐（七半快食上九半堂）；真是童年回憶。自畢業後都未有到來懷緬。是日到上環等酒吧開門沒事幹，餓餓地經過了便趁它未到落場時間便衝閘吃了一條友叫了三個點心，蝦餃燒賣是本人例牌，蝦餃普通皮太厚，燒賣幾好（記得要攞辣油）；最癲是我叫了久未露面的燒腩卷，既然食的是回憶，何不去絕點？！腩肉加包點都是正貨，只不過本人不喜其醃醬。吃飽飽都是百幾蚊，胃滿了回憶滿了，滿足了！不過回憶都是輕嚐即可了

團年飯無乜idea，見老字號蓮香樓做團購優惠就試下，$988一個6人份量聚寶盆⋯致在一家人圍埋食餐好，感受喜慶團聚真樂趣扶老攜幼在家食舒舒服服無勞氣⋯盆菜真材實料以十多種上等食材熬製，包括：家鄉煎釀鯪魚、鮑魚、花膠、元貝、蠔豉、大蝦…等十多種食材炮製，盆菜附上1000mL 秘製醬汁味道香濃，油而不膩。最估唔到鮑魚大大隻，元貝，蠔豉都大大粒，秘製醬汁真係好好味呀！見盆菜優惠到新春12/2真係有可能會再encore懶得煮😂😂

相信大家都聽過香樓嘅名，本人在第一次過嚟食。室內維持舊樓格局，有唔同嘅點心車在場內叫埋，一架係蒸點心，另一架係春卷煎堆舊式糖水個種，非常懷舊。食客要拎同點心紙去點心車度揀選食物，手快有手慢無。好彩食物refill速度算快，想食嘅嘢幾乎全部都食得到。講返食物質素，灌湯餃個餡同湯汁都好一般，不用試也可以。值得一讚係牛栢葉，調味及口感都好食，份量又充足，是本人的VIP之選。其他食物有待大家一一嘗試及體驗

好耐無路過中環,一路過蓮香樓樓下,見到排曬長龍.果然老字號就係老字號,搞到我都走埋去排埋一份,哈哈.排左40分鐘左右先有位,即刻冲過去點心車仔度睇下有咩新鮮點心.好多款式,見到好多都想試下,最後拎金錢肚和蝦餃,燒賣食住先.沙爹金錢肚:軟爛,入味,但仲保持少少咬口,沙爹味調的平衡恰當,唔會過咸.最後終於等到最想食噶雀巢芋角!宜家真係無乜幾多間仲有呢款懷舊點心食,外層炸的超級鬆軟,裏面的芋頭蓉軟糯得黎仲好有芋香~非常推薦.下次要試埋個鵪鶉蛋燒賣~今次賣曬~可惜.

蓮香樓重開，一直想找機會去探店。適逢閨蜜過海複診，完事後便到蓮香樓尋找童年回憶。酒樓的裝修及陳設相當懷舊，大水煲、點心站及流動的點心手推車等均是絕無僅有舊式茶樓的特色。剛坐下便見有舊式的煎釀車經過，立即下單，煎釀三寶可隨意搭配，便點了釀尖椒、釀豆腐及煎餃，在點心單磕印的時候才知道是頂點，難得有人現場即煎，貴一點也是合理的。蝦餃王的厚餃皮還有豬油和筍尖的香氣都充滿回憶的味道，當然以現今的標準，出品不夠細緻，但卻承載着許多溫馨的情感和往日的美好時光。乾蒸牛肉屬懷舊點心，牛肉燒賣的主料應當是牛肉，奇怪的是這裏的出品牛肉味欠奉反而香荽味十足。灌湯餃的賣相非常不濟，味道同樣不行，餃皮上枱之時已明顯穿破令湯汁外溢，懷舊也變得不懷舊。牛雜貨真價實，一碗有齊各式牛內臟及蘿蔔，牛雜燜得入味又不太軟爛，非常滋味。糯米雞真的有雞件作饀料，也有一小截臘腸和其他肉餡比盛行的迷你版糯米雞豐富很多。

幾個老友係外國黎香港玩,哽係要帶佢地去試下正宗香港懷舊味道,最後揀左中環蓮香樓.平日Lunch門口都已經排曬隊,等左一陣先有位,見到仲係舊式推車仔點心!好有懷舊feel!咩都想試下,試左招牌燒鵝拼叉燒,燒鵝上台仲熱,有油香兼肉地扎實.叉燒係老派蜜汁叉燒,夠淋無柴非常好.鬼佬Fd勁Like!點心試左蝦餃\排骨\燒賣同牛肉球.都係中上水準,蝦餃最好食,D蝦超彈牙,仲有汁噶入面.最緊要鬼佬朋友食得開心.

蝦餃皮痴住隻蟻，即刻搵個姐姐處理，點知個姐姐用普通話答沒問題的，但明顯有腳，佢知道我係香港人就用返廣東話話冇事架，唔係啲咩黎，用咗我對筷子夾走隻蟻，毀滅證據，我哋不斷問係咩嚟，但一直吱吱唔唔，最終就話係茶葉，我叫佢俾一對新嘅筷子我，佢比完之後就一枝箭走咗。人生第一次見有腳既茶葉。呢度點心唔難食，算中上。我覺得最大問題係負責人嘅態度，蝦餃皮上面好明顯係蟻，職員第一時間唔係諗點樣補救，而係毁滅證據，敷衍我哋。

經open rice book 枱😑都要排隊等入坐🫢係指跟人地無訂枱既排😑呢個我就覺得「甘我訂枱係咩作用」😅講下d野食先！最鐘意「選」腳趾～必叫鳳爪～吾會太咸～夠淋入味花生底係大大粒花！仲要有啲脆想講佢地個蝦餃真係好出色！皮又煙靭～蝦肉大粒包滿 平時我麻麻地燒賣，佢地既燒賣都好食！吾會成口粉～有蝦同豬肉一齊❤️雲吞脆卜卜「仲要係小點收費」蝦肉大粒～配埋甜酸汁～好食到停唔到口我格離果個食左兩個雞扎正常發揮～～裡面雞肉一舊滑一舊難幾好～～牛肉球都吾錯～彈牙有口感兩個人食完呢度仲好想試其他款式點心再出去拎～～再拎左兩牒🫢糯米包同牛柏葉佢個糯米包勁大個～好似叉燒包甘！裡面有細細粒臘腸、蝦米、略嫌唔夠多～成口糯米飯牛柏葉分量都好多！大大嚿～整體來講都好好食下次要再黎食其他點心～兩條友食8牒～好滿足！佢地既普洱茶又吾會太濃「岩曬我」

冇蝦嘅蝦多士$48一件冇餡嘅錦鹵雲吞$108一份一坺嘢嘅仙鶴神針$488一隻比鯇魚仲要腍兼係冰鮮嘅古法炆班翅$588一份冇咁嘅功夫就唔好收呢個價錢，懷舊兩個字代表一切！

話說前幾日同阿媽去咗蓮香飲茶去到門口已經排晒長龍，原本諗住唔排隊走啦都咁多人，見到蓮香派同事出嚟招呼客人，又準備咗茶同點心紙俾我地睇著。阿媽話佢以前感覺唔一樣，而家有活力同後生好多。又識講唔同嘅語言同客人溝通。阿媽話舊陣時蓮香啲人黑口黑面。飲完茶樓下仲可以買茶葉同埋買廢水飲。介紹茶葉個女仔對茶葉嘅了解都好清楚；又會了解吓阿媽頭先去樓上飲乜茶，再幫佢配茶葉；期間仲要見到佢回答好多其他客人嘅問題，不斷同我哋講唔好意思。我飲佢哋嘅春夏秋冬同陳皮燉檸檬。我哋走嘅時候仲去隔離舖頭斬咗個燒味。返到屋企阿阿爸話燒味正，送啤酒一流。