烏蠅館 (九龍中心大廈)

Open Now

Now Closed

見到好多人介紹烏蠅館，今日就特登走去試吓。入座前服務員會問你係食冒菜定係打邊爐，我哋就係試吓冒菜先。餐廳環境都幾舒服整齊，入到去有一陣陣麻辣香氣，已經令人流晒口水。當日都有九成滿座，坐得都有啲逼。揀了單人A餐，即係有六款配菜，蟲草花，鴨血，芝士丸，豬大腸，蘿蔔片，芋絲，芫荽，配料味道發揮正常，反而個四川酸湯就有點失望，唔係好夠酸，得個辣，加五蚊可配粉，麵或飯，我點了火鍋寬粉，最愛煙煙韌韌嘅質感，索盡湯汁，唔錯嘅。不過配料和主食分量偏少，女仔剛好，男仔應該唔係好夠飽。加十蚊要了檸檬蝶豆花，味道偏淡，似凍檸水。玫瑰蜂蜜，都有陣陣玫瑰香但都略嫌味道偏淡。