URBAN Cafe (駱駝漆大廈第一座)

Open Now

Now Closed

Urban cafe係全港最高食物質素嘅貓cafe! 佢哋嘅餐點全部都係現場廚房即叫即整，唔比其他西餐cafe輸蝕，而佢哋亦都係收費最平嘅貓貓Cafe，價錢除咗平過其他正常嘅西餐廳之外，呢度唔似其他貓cafe咁收入場費，亦都無按時收費ga 觀塘店係喺工廈入面所以面積好大，但環境好衛生亦無臭味，入面有超過60隻嘅貓貓，佢哋隻隻都好親人，成日走嚟走去，勁活潑又可愛～～～食物方面我哋叫咗佢哋CP值最高嘅二人餐。個set有湯，沙律，兩個指定嘅主菜同埋兩杯餐飲。仲可以加錢要多個小食拼盤添。湯，沙律同餐飲都係正常發揮小食拼盤：入面有紐西蘭魚寶、爆谷雞塊、脆薯，全部都係即叫即炸，新鮮熱辣，脆卜卜勁香口，加埋佢哋嘅調味粉，變得更加惹味。東瀛蟹籽芝士咖喱牛肋條飯：咖喱味好突出，牛肋條嘅牛味好濃，煮得好夠哂腍，又夠入味，佢哋仲加上蟹籽，除咗有增加鮮味之外，仲能增添多一份嘅口感。安格斯牛肉手工漢堡 配 脆薯：用咗安格斯級嘅牛肉所做嘅漢堡，肉味香濃，好多肉汁，漢堡入面仲有車打芝士、番茄、萵苣等配料，最後仲有濃郁芳香嘅黑松露燒汁，可以有效咁突出牛肉漢堡中嘅肉味。