URBAN Cafe (駱駝漆大廈第一座)

Open Now

Now Closed

餐廳好有驚喜，環境都好舒服服務態度良好，係同fd傾計既好地方而且菜品選擇非常多，價格也不高，岩帶住家人一起去，而做法保留了食材原有的味道，清新爽口，的確不錯。成件事有種放鬆，悠閒的氛圍。

Urban cafe 旺角長沙灣嘅分店都去過最鍾意係觀塘呢一間分店 因為啲貓貓比較親人🐈‍⬛🐈🐱店員話限時兩個鐘不過其他朋友遲咗少少放工，問咗店員佢話早咗少少入去都冇問題～而且夠鐘佢都冇趕我哋走 ☺️發現紙本Menu同QR code嘅網上顯示Menu有少少分別，所以要睇睇網上嘅Menu作準叫咗個四人餐：有四份精選餐湯、四份精選沙律、加咗錢（+$48.0）叫左個滋味四人小食拼盤（酥炸雞翼，黃金雞塊，薯條，洋蔥圈）、黑松露芝士菠菜野菌忌廉意大利飯、濃厚芝士肉醬千層麵、西班牙燒烤醬黑毛豬肋骨、美國嫩雞胸配蜜糖芥末醬、仲有四杯自選嘢飲🙂早知唔叫小食拼盤啦，掛住玩貓都唔係好食得晒啲嘢～嘢食整體嚟講係好食嘅～小食拼盤就真係好炸，如果炸短時間少少會好啲（另外雞翼係完全唔入味嘅，到底發生過什麼事🥲），另外雞胸都係比較冇咁惹味嘅，如果有其他選擇可以唔揀呢兩樣嘢食都係其次，貓貓先係最緊要！冇開任何罐罐啲貓貓都好親人會主動坐喺你張枱度任摸唔嬲

去過旺角果間urban覺得好好 所以見觀塘都有就嚟試點知呢間令我好失望佢係好多貓 但同時都好多小朋友小朋友用逗貓棒打貓追貓甚至一腳踩落貓貓條尾 啲員工見到都唔阻止…野食方面叫咗個$108嘅墨魚汁海鮮意大利飯一嚟到見到得一隻蝦同一隻青口真係打個突成個飯最多仲有一兩條幼身到我都唔肯定係咪魷魚嘅嘢無乜墨魚汁味 偏甜 仲要調味唔太平均 成粒黑胡椒係到…啲水仲要係有層油之類嘅物體浮面呢個價錢比呢個質素嘅野食 只可以講好無誠意唔明點解仲可以咁多正評一定無下次

其實啲野食預咗一般，而且性價比不高，所以只是打個卡就叫甜品啦，（PS見到有小強出沒，好彩不是在食上😅）另外個窩夫好硬😓，食完之後話有貓糧可以攞去餵貓，但當我們問職員是他們說今日人太多不能在鰃了，其實有啲控制唔好人流，cafe好多人，嘈到似酒樓，令到體驗感好差，有小朋友周圍跑同大叫，其實本身空間唔大啲枱就唔會咁密，要預客人同貓互相空間，整體而言成個cafe有種用貓吸引賺錢嘅方法，無考慮過體驗感，咁多人咁混亂，完全睇唔出係關心貓貓

今日同朋友去了觀塘呢間貓貓 Cafe，呢度我之前嚟過兩三次，但因為我好鍾意貓，所以今日放假再嚟食個 Tea我哋點咗兩個下午茶餐🍽️燒烤風味雞肉芝士墨西哥餅☕House Coffee🍽️日式海鮮炒飯☕Mocha嚟呢度最主要係玩貓，呢度貓嘅數量好多，目測大約有40隻以上；但比起之前，感覺上少咗啲，唔知係咪有啲喵星人去咗第二間分店幫手做店長呢🤔每一隻喵星人都有自己的名字，脖子上掛有名牌；大部分都好乖和聽話，唔怕陌生任你摸；而且好多都係有品種嘅貓，所以每台客都基本上可以接觸到唔同嘅貓貓；閒日非繁忙時間絕對唔使擔心人多過貓。咁食物方面又點呢？食物性價比高。連鎖 😺cafe 嚟講，我估佢哋係一哥。呢度唔使入場費，但係有最低消費，每人要order一個餐。服務質素都唔錯而且店員對貓貓好有愛心💞🐈‍⬛Urban Cafe🐈📍觀塘開源道駱駝漆大廈1座6樓

今日放假，同阿女女同老婆去了觀塘呢間貓貓Cafe。呢度之前嚟過兩次，因為個女鍾意貓，所以今日放假再嚟。我哋嗌咗兩個套餐，一個豬仔骨，另一個係黑松露飯。兩個味道都唔錯，兩個餐份量都好夠，有湯有沙律同埋主菜。三個人都好夠食。另外我哋兩個都加錢update咗個嘢飲。我就轉左熱嘅Urban Cafe，我老婆就轉左當latte。杯嘢飲份量幾大，咖啡味雖然唔濃，但都好啱我口味。呢度除咗食嘢之外，就梗係有貓玩啦。呢度貓嘅數量好多，我估起碼有40隻。呢啲貓大部份都好乖，睇落都冇攻擊性。我們最後又叫貓罐頭，我們揀咗濕糧嗰隻，味道好香，一開就有五六隻貓餵埋你，感覺好特別，好好玩。餵貓呢樣嘢令到大人小朋友都好開心，係一個好好嘅經驗。

Relaxing place and enjoyable time. I bought my kid there lunchtime. She was kind of scared when sitting down. She has felt much better and started to pat the pets in the ends of the meal. Not feeling like to leave after 2hours. Dishes are hot to serve. Helpful and nice staffs, good service. Other customers are claim and gentle, too. Can’t wait to compliment the restaurant in OpenRice

URBAN Cafe (駱駝漆大廈第一座)觀塘開源道62號駱駝漆大廈第一座6樓Score 分數： A/75一黎睇相就知E間係一間 喵喵Cafe!! 咁佢地有咩特別呢？佢地d猫猫真係好可愛，又搞笑，而且好有主子嘅味道，想抱下！？睇下猫主子當日嘅心情，再決定比唔比你抱下啦～ 放心，通常都唔比你抱，除非....你中左六合彩咁好運啦～而整體上，喵星人們都好聽話，而且好多隻。所以，每枱客都基本上可以接觸到d猫猫。有夠驚猫嘅人去到，一定會大叫，因為總有一隻係附近。 鐘意猫嘅人就會忍住唔叫，因為太得意啦！但又唔可以叫出聲，費時比隔離枱人以為要綁架d猫就唔好啦。咁食物味道方面又點呢？老實講，幾好。一間連鎖Cafe黎講，中規中矩，味道好食嘅。而價錢亦都算合理，同所有Cafe一樣咁貴。不過，E間最少可以摸下猫腳子，做下猫奴，咩都值返晒啦！

今日黎左呢度吸喵同時醫肚仔(⁎⁍̴̛ᴗ⁍̴̛⁎)Cafe 都係位於工業區～不過呢個IG主要講食所以講下食評先～-我地叫左Set for 2 一路食一路玩喵喵🐱精選餐湯 🍲是日的南瓜湯每一口都能品味到湯汁的鮮美和食材的烹調，為用餐體開始添一份美味🎃精選沙律 🥗沙律以新鮮的蔬菜和豐富的配料組合而成，口感豐富多樣。搭配上豐富的醬汁，每一口都能品味到蔬菜的鮮嫩和配料的風味。滋味二人小食拼盤🍗黃金雞塊炸至金黃酥脆，，口感豐富且美味。每一口都能品味到雞肉的嫩滑和酥脆的外層，帶來了一份滿足感🧅煙三文魚溫泉蛋卡邦尼扁意粉 🍝🍳扁意粉煮至彈牙，搭配煙燻三文魚和溫泉蛋，口感豐富且美味，帶來了一份滿足感🥓西班牙燒烤醬黑毛豬肋骨 🥩黑毛豬肋骨經過燒烤，搭配濃郁的西班牙燒烤醬，品味到豬肉的鮮嫩和燒烤醬的濃郁，帶來了一份滿足的肉食享受🍖日本北海道練乳草莓芝士蛋糕🍰這款芝士蛋糕口感濃郁而細膩，搭配北海道練乳的香濃，再加上新鮮草莓的酸甜，每一口都能帶來愉悅的味覺體驗🍓Babyccino泡沫鮮奶（熱）🥛如果你喜歡溫暖的飲品，Babyccino泡沫鮮奶絕對是你的最佳選擇。這杯熱的泡沫鮮奶帶有濃郁的奶香和綿密的泡沫，給你一份溫暖和

URBAN Cafe🐈有日傾開偈，同事推介我過嚟呢間貓Cafe 玩吓貓，話呢度啲貓全部都好精靈，環境乾淨嘢食都唔錯！呢一間貓Cafe嘅晏晝飯都幾抵食🐈，平均$50至到$70左右就有交易，今日趁住早放工就過嚟試一試😍😍我同同事兩個人就叫咗兩個餐，分別係香煎龍利柳伴香草忌廉配薯菜🐟 同埋 日式咖喱肥牛飯🐮$68，另外套餐加$8就可以加配牛油多士條及是日精選餐湯🥣我哋當日嘅湯係南瓜湯，味道都幾濃郁有奶香味！另外我哋仲加咗$12要咗兩件日式提拉米蘇大福添！☕️跟餐已經包咗$38以下嘅飲品，我就加咗$20要藍糖酸奶雲朵沙冰☁️☁️，貪佢個樣夠靚，啱晒打卡！甜品方面，我哋就叫咗朱古力合桃布朗尼配雪糕🍫$58 同埋雪山心太軟配雪糕🍰$58，個人就比較推薦朱古力合桃布朗尼配雪糕，蛋糕嘅朱古力味會比較濃郁，配雪糕幾好食！🥰🥰

吸貓時臉部被毛茸茸的貓皮包住，感受貓咪既溫暖，同時腦內會分泌幸福荷爾蒙令人感到放鬆舒壓。所以我放假帶埋小朋友一齊去URBAN吸貓!進入餐廳前先要帶上鞋套，再等職員指示先可以進場。餐廳地方都好大，分🐱🐱貓貓區/不會接觸貓貓區在場大概有15隻貓貓當值! D貓貓唔太怕陌生人有D甚至會主動坐係檯面/客人既身上！🥰🥰食物方面都好多小朋友鐘意既小食類⋯我地簡左夏威夷Pizza 同朱古力心太軟⋯一轉眼小朋友已經急不及待食曬D野😱😱😱因為重頭戲係客人食完野就可以買貓糧餵貓咪！可以選擇濕糧或者乾糧（每日限量！）當罐罐一出現⋯全場貓貓都集結係我檯面！📸📸雖然我有外表睇落少少驚！其實心裡極度驚荒！但其實貓貓都好守規矩！🤭🤭🤭玩完岩岩好2小時！心靈上再一次充滿電🔋🔋🔋❤️小貼士：可以預先到寵物店買件小玩具！貓咪們會更加開心！

今次去咗一間位於觀塘嘅貓貓Cafe，之前去過呢一間位於旺角同荔枝角嘅分店，比我嘅感覺都好好❤️🙆🏻‍♀️食物唔錯之餘，侍應都好親切，最鍾意嘅就係成個環境好乾淨好舒服🥹食嘢同時又可以同貓貓玩下～❤️黑松露芝士卡邦尼意大利飯安格斯牛肉手打漢堡雪山抹茶心太軟焦糖燉蛋❤️嘢食都唔錯，特別係甜品🍮價錢都唔算太，Total都係食咗三百幾蚊左右～不過啲貓貓真係好可愛，全部都好親人，有時返咗工辛苦都可以過嚟休息一下😍😍😍

🫶🏻放工想搵間chill 啲、可以治癒下心靈既餐廳食晚飯，同事推薦左一間位於觀塘工廈既貓Cafe，諗起自己從未去過貓 Cafe，既然有人推薦，一試無妨 😉一入場就見到有成十幾隻貓圍住瞓棵玩具樹訓 😍😍 場內又有好多隻貓係到跑動，睇見都覺得放鬆同治癒 🥰問返侍應先知，原來呢間餐廳總共養咗 60 幾隻貓 🐱🐱 大部分都係領養返黎，聽完有種幫襯呢間餐廳都算係做左善事既感覺 😆講返正題，係餐廳到坐左粒幾鐘，分別點左以下餐飲，認真唔錯 😋🔹美國嫩雞胸配蜜糖芥末醬一整塊既雞胸香煎後，表面被灑上香草粉末，外皮呈現金黃焦脆既形態，內裡既雞肉可以用軟滑香嫩黎形容，個人認為不點醬食已經足夠美味，雞肉既鮮甜香軟足以令人原汁原味咁細細品嘗 💕 伴碟有薯蓉及少許蔬果，食完都唔會好飽 🐱🔸楓糖漿番薯條加點一份小食番薯條，要求左楓糖醬分上。番薯條本身脆口甘甜，楓糖醬甜絲絲既味道同番薯條好搭，整體味道更突出 🤤🔹雪山心太軟（朱古力）配雪糕外層焦脆，蛋糕層鬆化，介開就會發現心太軟既芯逐漸流出，入口就係異常香濃既朱古力味，配合曲奇雪糕好正‼️ 😛😛🔸玫瑰蘋果醋梳打玫瑰清香隱隱，飲品中猶有蘋果醋酸甜既滋味，入口清新解膩 🍹

三重芝士肉醬意大利麵。這道意大利麵的質地非常彈牙，肉醬濃郁而濃香，上面的芝士更是令人垂涎欲滴。每一口都充滿了美味和滿足感，讓我完全愛上了這道菜。緊接著，我嚐了他們的安格斯牛肉手工漢堡配薯條。這個漢堡真是太好吃了！牛肉鮮嫩多汁，搭配軟綿綿的漢堡包和新鮮的配料，每一口都令人驚艷。薯條則是炸得金黃酥脆，完美地搭配了這個漢堡。最後，我點了一杯古早冬瓜茶檸檬水來解渴。這是一種非常獨特的飲品，冬瓜的清香和檸檬的酸甜完美融合，令人愉悅地消暑。

辛苦完一大輪，終於有喘息嘅機會，就嚟到高人氣嘅urban cafe chill下，療癒一下身心。🥹 由觀塘西鐵站落車，行大慨5分鐘就到，非常方便！😙😙 Cafe內環境超大！一入去就見到有超多貓貓行嚟行去，基本上每幾秒身邊就會行過一隻，😍 貓貓好多都唔怕生，任你摸，絕對唔使擔心冇貓貓摸，入到去簡直猶如置身天堂，好幸福🤪 (˶‾᷄ ⁻̫ ‾᷅˵) 唔知會唔會有朋友有同感呢 離開咗貓貓cafe 就好似離開咗迪士尼咁呢哈哈哈哈哈哈哈自己今次order咗四重芝士煙肉拉絲通心粉，芝士量驚人，並非單單鋪面敷衍你，而係真係落咗好！表面焗到焦焦地，但下層嘅芝士仲可以拉到絲，口感豐富，味道濃郁。呢度唔使入場費，淨係有最低消費$100，性價比高，食物、服務質素高，而且有貓貓，係治愈心靈嘅好地方！