Video
Read full review
2021-06-17
9822 views
食物選擇唔算太多 但七折咗呢個價錢嚟講都唔可以話太差😂 六點半開始嘅自助餐 但我地放工再入東涌都要差不多七點先入座 職員都幾有禮貌咁指示我地坐邊熟食種類唔算多 有油麵 牛肉粥 蒸魚 我試咗蒸魚 啲肉偏老 但個調味okay 嗌油麵會即場幫你淥 但一碗份量實在太多 食完基本上都飽咗一半😑 肉類 有燒西冷牛肉 炆牛腩 豬手 有豬肉腸 但牛肉要店員分俾你 成日都冇人得閒幫手 仲要好韌 啲肉有好重嘅牛味 都係食咗一兩塊就冇再食 豬手質素都還好 不過唔係好熱😥另外冷盤方面 有青口 凍蝦 蟹腳 蜆 蝦肉都算彈牙 蟹肉就冇乜咸水味 蜆就食咗幾隻都有沙😐 魚生擺盤有一啲核突 好快已經俾人拎到好似垃圾堆 冇影相俾大家睇 廢事影響大家反胃 三文魚 吞拿魚同油甘魚 但油甘魚肉質較乾身 毫無光澤🐟反而有個區係放西式沙律咁 有煙三文魚 螺絲粉等 都算幾企理最吸引我嘅係好大個甜品區同雪糕係mövenpick 甜品選擇算幾多 而且店員都經常refill 不過味道就一般 mousse cake偏硬身 葡撻賣相幾好 不過味道就淡咗啲 冇乜甜味 酥皮都算好食😗 成個甜品區有一個好大嘅問題 係冇任何甜品名稱嘅標示 有朋友唔食
熟食種類唔算多 有油麵 牛肉粥 蒸魚 我試咗蒸魚 啲肉偏老 但個調味okay 嗌油麵會即場幫你淥 但一碗份量實在太多 食完基本上都飽咗一半😑 肉類 有燒西冷牛肉 炆牛腩 豬手 有豬肉腸 但牛肉要店員分俾你 成日都冇人得閒幫手 仲要好韌 啲肉有好重嘅牛味 都係食咗一兩塊就冇再食 豬手質素都還好 不過唔係好熱😥
另外冷盤方面 有青口 凍蝦 蟹腳 蜆 蝦肉都算彈牙 蟹肉就冇乜咸水味 蜆就食咗幾隻都有沙😐 魚生擺盤有一啲核突 好快已經俾人拎到好似垃圾堆 冇影相俾大家睇 廢事影響大家反胃 三文魚 吞拿魚同油甘魚 但油甘魚肉質較乾身 毫無光澤🐟
反而有個區係放西式沙律咁 有煙三文魚 螺絲粉等 都算幾企理
最吸引我嘅係好大個甜品區同雪糕係mövenpick 甜品選擇算幾多 而且店員都經常refill 不過味道就一般 mousse cake偏硬身 葡撻賣相幾好 不過味道就淡咗啲 冇乜甜味 酥皮都算好食😗 成個甜品區有一個好大嘅問題 係冇任何甜品名稱嘅標示 有朋友唔食榴槤 但意外攞咗榴槤嘅甜品 真係令人好失望
雪糕攤擋賣相幾好 可惜成日排長龍 要等店員嚟幫手𢳂雪糕 雪糕有五款口味 焦糖幾好味 隔離仲有個位可以加花生 朱古力等嘅配料
呢餐都食得飽嘅 但就冇食自助餐嘅滿足感 可能係食物種類偏少 另外希望佢會多返啲店員幫手啦 初初店員都成日收碟嘅 但去到後期 八點鐘到啦 就冇人想過嚟收碟喇☹️
Post
